जेरुसलेम : अमेरिकेचे अध्यक्ष डोनाल्ड ट्रम्प यांचा गाझासाठीचा १५ कलमी शांतता प्रस्ताव इस्रायलने अधिकृतपणे फेटाळून लावला आहे. जोपर्यंत हमासचे पूर्णपणे निःशस्त्रीकरण होत नाही, तोपर्यंत इस्रायली सैन्य गाझातून कोणतीही माघार घेणार नाही, असे पंतप्रधान बेंजामिन नेतन्याहू यांनी जाहीर केले आहे. (Gaza)
नवी दिल्ली: भारताच्या संरक्षण क्षेत्रात एका नव्या आणि अत्यंत घातक शस्त्राची भर पडली आहे. ओडिशास्थित भारतीय संरक्षण स्टार्टअप 'आयजी डिफेन्स' (IG Defence) ने ...
कॅबिनेट बैठकीत बोलताना नेतन्याहू म्हणाले, "इस्रायल १५ कलमी दस्तऐवज फेटाळत आहे. जोपर्यंत हमासचे खऱ्या अर्थाने निःशस्त्रीकरण होत नाही, तोपर्यंत इस्रायली सैन्य कोणतीही माघार घेणार नाही आणि आमच्या सैन्यावरील तसेच नागरिकांवरील धोके नष्ट करण्याचे काम सुरूच राहील." तत्पूर्वी, काल हमासने अमेरिकेच्या पाठिंब ऱ्या या प्रस्तावासह पुढे जाण्यास तयार असल्याचे म्हटले होते आणि इस्रायलवर दबाव आणण्याचे आवाहन केले होते. युद्धग्रस्त प्रदेशातील एका नवोदित पॅलेस्टिनी प्रशासकीय समितीकडे आपले शस्त्रे सुपूर्द करण्याच्या या प्रस्तावाच्या नवीनतम टप्प्याशी आपण सहमत असल्याचे हमासने ट्रम्प यांच्या 'बोर्ड ऑफ पीस'ला कळवले होते. (Gaza Peace Proposal)
एका हमासच्या अधिकाऱ्याने शनिवारी 'एएफपी' या वृत्तसंस्थेला सांगितले होते की, "इस्रायलची मंजुरी मिळाल्यास आणि इस्रायलने कराराची अंमलबजावणी सुरू केल्यास, कराराची अंमलबजावणी सुरू करण्यास आणि दुसऱ्या टप्प्यात जाण्यास आपण तयार असल्याचे हमास आणि इतर गटांनी मध्यस्थांना निश्चितपणे सांगितले आहे."
दरम्यान, यापूर्वी संयुक्त अरब अमिरातीसह आठ मुस्लिम बहुसंख्य देशांनी एका संयुक्त निवेदनात इस्रायलच्या गाझातील लष्करी मोहिमेवर टीका केली होती. इस्रायलच्या कृतीमुळे संघर्ष संपवण्याच्या ट्रम्प यांच्या शांतता आराखड्याला मोठा धक्का बसू शकतो, असा इशारा या देशांनी दिला होता. (Hamas)
