मुंबई : बॉलिवूड अभिनेत्री निकिता रावलचा एक व्हिडीओ सध्या सोशल मीडियावर चर्चेत आहे. एका कार्यक्रमाच्या रेड कार्पेटवर एका महिला चाहतीने अभिनेत्रीला अचानक किस केल्याची घटना कॅमेऱ्यात कैद झाली. या प्रकारामुळे निकिता काही क्षणांसाठी गोंधळल्याचे व्हिडीओमध्ये दिसत आहे. (Nikita Rawal)
8 ऑगस्ट रोजी निकिता रावल एका कार्यक्रमाच्या रेड कार्पेटवर फोटोग्राफर्ससाठी पोज देत होती. त्यावेळी एक महिला चाहती तिच्याजवळ आली आणि सेल्फी घेण्याची इच्छा व्यक्त केली. निकितानेही हसत तिच्यासोबत फोटो काढला. सेल्फीनंतर चाहतीने आधी अभिनेत्रीच्या गालावर किस केले. (Viral Video)
मुंबई : मराठी आणि हिंदी मनोरंजनसृष्टीत वेगाने आपली ओळख निर्माण करणाऱ्या अभिनेत्री, निर्माती आणि डिजिटल कंटेंट क्रिएटर ऐश्वर्या हरिशंकर सध्या ...
त्यानंतर मात्र या चाहतीने अचानक निकिताला जवळ घेत तिच्या ओठांवर किस केले. या अनपेक्षित प्रकारामुळे अभिनेत्री काही क्षणांसाठी अस्वस्थ झाल्याचे दिसले. तिने लगेच आपल्या ओठांवर हात ठेवला आणि परिस्थिती सावरण्याचा प्रयत्न केला. कार्यक्रमस्थळी उपस्थित असलेल्या काही लोकांचेही या घटनेकडे लक्ष गेले. (Bollywood News)
या संपूर्ण घटनेचा व्हिडीओ सोशल मीडियावर मोठ्या प्रमाणात शेअर केला जात आहे. व्हिडीओ समोर आल्यानंतर नेटकऱ्यांकडून विविध प्रतिक्रिया दिल्या जात आहेत. चाहत्यांनी कलाकारांबद्दल व्यक्त करताना त्यांच्या वैयक्तिक मर्यादांचाही विचार करायला हवा, अशी चर्चा सोशल मीडियावर सुरू झाली आहे. (Celebrity News)
निकिता रावलने बॉलिवूडसोबतच दक्षिण भारतीय चित्रपटांमध्येही काम केले आहे. ‘ब्लॅक अँड व्हाईट’, ‘मिस्टर हॉट मिस्टर कूल’, ‘द हिरो - अभिमन्यू’ आणि ‘अम्मा की बोली’ यांसारख्या चित्रपटांमध्ये ती दिसली आहे. अभिनयासोबतच ती विविध कार्यक्रमांमध्येही सहभागी होत असते. सध्या रेड कार्पेटवरील या अनपेक्षित घटनेमुळे निकिता रावलचा व्हिडीओ सोशल मीडियावर चर्चेचा विषय ठरला आहे. ( Nikita Rawal Viral video)