Shalarth ID Scam : राज्यात गाजत असलेल्या तब्बल १६० कोटी रुपयांच्या शालार्थ आयडी घोटाळ्याच्या तपासाला आता निर्णायक वळण मिळताना दिसत आहे. शहर गुन्हे शाखेने (City Crime Branch) तपासाची व्याप्ती वाढवत आता शाळांच्या मूळ कागदपत्रांची आणि शासनमान्यतेची प्रत्यक्ष पडताळणी सुरू केली आहे. शेंदुर्णी शिक्षण संस्थेच्या (Shendurni Educational Institute) १५ शाळांमधील शिक्षक आणि शिक्षकेतर कर्मचाऱ्यांची सेवापुस्तके जप्त केल्यानंतर पोलिसांनी तपासाचा पुढचा टप्पा सुरू केला आहे. जप्त करण्यात आलेल्या शासन आदेश, मान्यता आणि इतर अधिकृत कागदपत्रांची सत्यता तपासण्यासाठी गुन्हे शाखेने (City Crime Branch) थेट शिक्षण विभागाशी पत्रव्यवहार सुरू केला आहे.
Nandurbar : नंदुरबारमध्ये एक हादरवणारा प्रकार उघडकीस आला आहे. नंदुरबारमध्ये अल्पवयीन बालकांसह काही तरुणांचे लैंगिक शोषण करून त्यांचे अश्लील चित्रफिती आणि ...
बोगस मान्यतांची पोलिसांकडून पडताळणी
या प्रकरणात संजय गरुड (Sanjay Garud) आणि त्यांचे बंधू दीपक गरुड (Deepak Garud) यांच्या अटकेनंतर तपास अधिक वेगाने पुढे सरकला आहे. गुन्हे शाखेने शेंदुर्णी शिक्षण संस्थेशी (Shendurni Educational Institute) संबंधित १५ शाळांच्या मुख्याध्यापकांची चौकशी करत आर्थिक व्यवहार, भरती प्रक्रिया आणि सेवापुस्तके ताब्यात घेतली होती. प्राथमिक तपासात काही सेवापुस्तिकांमध्ये आणि शासकीय नोंदींमध्ये खाडाखोड व फेरफार झाल्याचा संशय व्यक्त करण्यात आला आहे. त्यामुळे आता या कागदपत्रांवरील अधिकाऱ्यांच्या सह्या, शिक्के, पदमान्यता आणि शालार्थ आयडी मंजुरीचे आदेश खरे आहेत की बनावट, याची सखोल पडताळणी केली जात आहे.
IRCTC : श्रद्धा, अध्यात्म आणि आरामदायी प्रवासाचा संगम अनुभवण्याची संधी आता भाविकांना मिळणार आहे. आयआरसीटीसीने भारत गौरव डिलक्स एसी टुरिस्ट ट्रेनद्वारे ...
...तर घोटाळ्याची व्याप्ती आणखी वाढेल
यासाठी शिक्षण विभागातील संबंधित कार्यालये आणि वरिष्ठ अधिकाऱ्यांकडून मूळ अभिलेख मागविण्यात आले असून, संस्थेकडे असलेल्या कागदपत्रांशी त्यांची तुलना केली जाणार आहे. या पडताळणीचा अहवाल या संपूर्ण प्रकरणातील महत्त्वाचा पुरावा ठरण्याची शक्यता आहे. तपास यंत्रणेला संशय आहे की, बोगस कागदपत्रांच्या आधारे शालार्थ आयडी (Shalarth ID Scam) मिळवून शासनाच्या तिजोरीतून दरमहा कोट्यवधी रुपयांचे वेतन काढण्यात आले असावे. त्यामुळे कागदपत्रे बनावट असल्याचे स्पष्ट झाल्यास या घोटाळ्याची व्याप्ती आणखी वाढू शकते.
Nashik Simhastha Kumbhmela : आगामी सिंहस्थ कुंभमळ्याच्या पार्श्वभूमीवर कुंभमेळ्याच्या तयारीसाठी आणि प्रत्यक्ष कुंभमेळ्यादरम्यान पुरेसे मनुष्यबळ असणे आवश्यक आहे. ...
कागदपत्रांच्या पडताळणीतून मोठे खुलासे होणार ?
याचबरोबर, शिक्षण विभागातील काही अधिकारी किंवा कर्मचाऱ्यांचा या संपूर्ण प्रकरणात सहभाग होता का, याचाही तपास आता गुन्हे शाखेकडून सुरू करण्यात आला आहे. जर मूळ शासकीय आदेश आणि संस्थेकडे सापडलेल्या कागदपत्रांमध्ये तफावत आढळली, तर केवळ संस्थाच नव्हे तर संबंधित अधिकारीही चौकशीच्या फेऱ्यात येण्याची शक्यता आहे. एकूणच, शालार्थ आयडी घोटाळ्याचा (Shalarth ID Scam) तपास आता अत्यंत महत्त्वाच्या टप्प्यावर पोहोचला असून, कागदपत्रांच्या पडताळणीतून अनेक धक्कादायक खुलासे होण्याची शक्यता व्यक्त केली जात आहे.
