Nashik Crime News : नाशिक जिल्ह्यातील सटाणा तालुक्यातील एका अल्पवयीन मुलीच्या अज्ञानपणाचा गैरफायदा घेऊन तिच्यावर वारंवार लैंगिक अत्याचार केल्याची संतापजनक घटना घडली होती. या घटनेनं संपूर्ण तालुक्यात एकच खळबळ उडाली होती. दरम्यान, याप्रकरणी सटाणा तालुक्यातील शरद दादाजी पवार यास मालेगाव येथील विशेष ‘पोक्सो’ न्यायालयाने जन्मठेप, आजीवन सश्रम कारावास आणि दंड अशी शिक्षा सुनावली आहे. (Nashik Crime News)
भारतीय न्यायव्यवस्थेचा इतिहास पाहताना अनेक कायदेशीर खटले, मोठे कायदे आणि वकिलांच्या युक्तिवादांची चर्चा होते. परंतु, एका साध्या पत्राने किंवा ...
नेमकं प्रकरण काय ?
सटाणा तालुक्यातील एका खेडेगावातील १४ वर्षीय अल्पवयीन मुलीवर आरोपी शरद पवार याने लैंगिक अत्याचार केल्याची घटना घडली होती. धक्कादायक म्हणजे वैद्यकीय तपासणीदरम्यान मुलगी तीन महिन्यांची गरोदर असल्याचे डॉक्टरांच्या निदर्शनास आले होते. मुलगी अविवाहित आणि अल्पवयीन असल्याने डॉक्टरांनी याबाबत तात्काळ पोलिसांना कळवले. यानंतर पीडितेच्या आईने तिला जायखेडा पोलीस ठाण्यात नेऊन आरोपीविरुद्ध तक्रार नोंदवली होती. मात्र घडलेला प्रकार कोणालाही सांगू नकोस अन्यथा जीवे ठार मारेल अशी धमकी आरोपीने पीडितेला दिली होती. (Nashik Crime News)
हिंदुत्ववादी संघटनांचे अभिनंदन; बळजबरीने धर्मांतर करणाऱ्यांना १० वर्षांपर्यंतच्या कारावासाची तरतूद मुंबई : राज्यात जबरदस्ती, फसवणूक किंवा प्रलोभन ...
जायखेडा पोलीस ठाण्यात गुन्हा
या प्रकरणी ऑक्टोबर २०२० मध्ये जायखेडा पोलीस ठाण्यात (Jaykheda Police Station) गुन्हा दाखल करण्यात येऊन आरोपीला अटक करण्यात आली होती. या प्रकरणी सहाय्यक पोलीस निरीक्षक शिवचरण पांढरे आणि तपासी अंमलदार श्रीकृष्ण पारधी यांनी सखोल तपास करून मालेगाव सत्र न्यायालयात दोषारोपपत्र दाखल केले. सदर खटला मालेगाव न्यायाधीश के. जी. पालदेवार यांच्या न्यायालयात चालला. सरकार पक्षातर्फे ज्येष्ठ सरकारी वकील संजय सोनवणे यांनी जोरदार युक्तिवाद करत एकूण ६ साक्षीदार तपासले.(Nashik Crime News)
उधळपट्टीवर नाराजी; जनतेचा पैसा विकासकामांवरच खर्च करण्याचे निर्देश मुंबई : मुंबई महानगरपालिकेतील वैधानिक व विशेष समित्यांच्या अध्यक्षांसाठी ...
नराधमास जन्मठेप
सरकारी वकिलांचा युक्तिवाद आणि सबळ पुरावे ग्राह्य धरून न्यायालयाने आरोपी शरद पवार यास जन्मठेप, ‘पोक्सो’ ॲक्ट कलम ६ अन्वये नैसर्गिक मृत्यू होईपर्यंत आजीवन सश्रम कारावास आणि १०,००० रुपये दंड तसेच भादंवि कलम ५०६ अन्वये ७ वर्षे सश्रम कारावास आणि ५,००० रुपये दंड,अशी शिक्षा ठोठावली आहे.
