बीड : बीड (Beed) जिल्ह्यात लाचलुचपत प्रतिबंधक विभागाने (एसीबी) मोठी कारवाई करत सामाजिक वनीकरण विभागाचे विभागीय वन अधिकारी श्रीनिवास लखमावार यांना 45 लाख रुपयांची लाच स्वीकारताना रंगेहात पकडले. त्यांच्या राहत्या घरी ही कारवाई करण्यात आली असून, या घटनेमुळे जिल्ह्यातील प्रशासकीय वर्तुळात एकच खळबळ उडाली आहे. (Beed)
मिळालेल्या माहितीनुसार, उपमुख्यमंत्री तथा जिल्ह्याच्या पालकमंत्री सुनेत्रा पवार (Sunetra Pawar) यांच्या अध्यक्षतेखाली जिल्हा नियोजन समितीची बैठक पार पडल्यानंतर श्रीनिवास लखमावार आपल्या निवासस्थानी परतले. त्यानंतर एसीबीच्या पथकाने पूर्वनियोजित सापळा रचून त्यांना लाच स्वीकारताना ताब्यात घेतले. (Beed ACB Raid)
डोंबिवली: महाराष्ट्राच्या डोंबिवली शहरातून एक अत्यंत संतापजनक आणि मन हेलावून टाकणारी घटना समोर आली आहे. कौटुंबिक वादानंतर घरातून निघून गेलेल्या एका ...
एसीबीच्या माहितीनुसार, सन 2025-26 मधील वृक्षलागवडीची बिले मंजूर करणे, कर्मचाऱ्यांचे थकीत वेतन अदा करणे आणि निलंबनाची कारवाई मागे घेण्यासाठी श्रीनिवास लखमावार यांनी 45 लाख रुपयांच्या लाचेची मागणी केल्याचा आरोप आहे. याप्रकरणी तक्रारदाराने 29 जुलै रोजी छत्रपती संभाजीनगर येथील एसीबी कार्यालयात तक्रार दाखल केली होती. तक्रारीची पडताळणी झाल्यानंतर शुक्रवारी सापळा रचून ही कारवाई करण्यात आली.
एसीबीने जप्त केलेल्या रकमेपैकी 5 लाख रुपये खऱ्या नोटांच्या स्वरूपात होते, तर उर्वरित 40 लाख रुपये मनोरंजन बँकेच्या (डमी) नोटांच्या स्वरूपात होते. आरोपीने रक्कम स्वीकारताच पथकाने त्यांना रंगेहात पकडले.
या प्रकरणी गुन्हा दाखल करण्याची प्रक्रिया सुरू असून छत्रपती संभाजीनगर येथील एसीबीच्या अधीक्षक माधुरी कांगणे तपासासाठी बीडमध्ये दाखल झाल्या आहेत. या प्रकरणाचा पुढील तपास लाचलुचपत प्रतिबंधक विभागाकडून सुरू आहे.