मुंबई : निर्माते (Producer) नमित मल्होत्रा यांच्या बहुप्रतीक्षित 'रामायण: पार्ट 1' (Ramayana: Part 1) या चित्रपटाचा अधिकृत ट्रेलर (Official Trailer) अखेर प्रदर्शित झाला आहे. ट्रेलर रिलीज (Trailer Release) होताच सोशल मीडियावर (Social Media) त्याची जोरदार चर्चा सुरू झाली असून प्रेक्षकांनी चित्रपटाच्या भव्य दृश्यांपासून (Visuals), दमदार दृश्य प्रभावांपर्यंत (VFX) आणि कलाकारांच्या अभिनयापर्यंत भरभरून कौतुक केले आहे.
दिग्दर्शक (Director) नितेश तिवारी यांच्या दिग्दर्शनाखाली तयार झालेला हा चित्रपट नमित मल्होत्रा यांच्या प्राइम फोकस स्टुडिओज (Prime Focus Studios), आठ वेळा ऑस्कर विजेता डीएनईजी (DNEG) आणि यश यांच्या मॉन्स्टर माइंड क्रिएशन्स (Monster Mind Creations) यांच्या सहकार्याने साकारला आहे. 'रामायण: पार्ट 1' हा चित्रपट दिवाळी २०२६ मध्ये जगभरातील चित्रपटगृहांमध्ये (Theatres) प्रदर्शित होणार आहे. चित्रपटाचे जागतिक वितरण (Global Distribution) सोनी पिक्चर्स (Sony Pictures) करणार असून उत्तर भारतातील वितरणाची जबाबदारी धर्मा प्रोडक्शन्स (Dharma Productions) यांच्याकडे आहे.
पाच भाषांमध्ये (Languages) ट्रेलर रिलीज
३० जुलै २०२६ रोजी सकाळी हिंदी, तमिळ, तेलुगू, कन्नड आणि मल्याळम अशा पाच भारतीय भाषांमध्ये चित्रपटाचा ट्रेलर प्रदर्शित करण्यात आला. काही तासांतच ट्रेलरला लाखो व्ह्यूज (Views) मिळाले असून सोशल मीडियावर चाहत्यांकडून सकारात्मक प्रतिक्रिया उमटत आहेत.
मुंबई : राज्य शासनाच्या सांस्कृतिक कार्य विभागामार्फत प्रदान करण्यात येणारे २०२५ चे 'चित्रपती व्ही. शांताराम जीवनगौरव पुरस्कार' ज्येष्ठ संगीतकार ...
राम विरुद्ध रावण; धर्म आणि अधर्माचा महासंग्राम
चित्रपटाची कथा भगवान विष्णूंच्या राम अवताराभोवती फिरते. धर्माची स्थापना आणि अधर्माचा अंत करण्यासाठी राम (रणबीर कपूर) अवतार घेतात. त्यांच्या समोर असतो शक्तिशाली, विद्वान आणि अहंकारी रावण (यश). राम, सीता (साई पल्लवी) आणि लक्ष्मण (रवि दुबे) यांचा वनवास आणि त्यानंतर घडणारा राम-रावण महासंग्राम या चित्रपटाचा मुख्य गाभा आहे.
दिग्गज कलाकारांची (Star Cast) फौज
या चित्रपटात अनेक दिग्गज कलाकार महत्त्वाच्या भूमिकांमध्ये झळकणार आहेत.
- रणबीर कपूर – भगवान राम
- साई पल्लवी – माता सीता
- यश – रावण
- रवि दुबे – लक्ष्मण
- अरुण गोविल – राजा दशरथ
- लारा दत्ता – कैकेयी
- अजिंक्य देव – ऋषी विश्वामित्र
- कुणाल कपूर – भगवान इंद्र
- रकुल प्रीत सिंह – शूर्पणखा
जागतिक दर्जाचे संगीत (Music) आणि पटकथा (Screenplay)
चित्रपटाची पटकथा (Screenplay) पुरस्कारविजेते लेखक श्रीधर राघवन यांनी लिहिली आहे. तर संगीताची (Music) जबाबदारी ऑस्कर विजेते हॅन्स झिमर (Hans Zimmer) आणि ए. आर. रहमान (A. R. Rahman) यांनी सांभाळली आहे. भारतीय आणि आंतरराष्ट्रीय (International) प्रतिभेचा संगम या चित्रपटात पाहायला मिळणार आहे.
मुंबई: 'महाराष्ट्राची हास्यजत्रा' या लोकप्रिय कार्यक्रमातून घराघरांत पोहोचलेली आणि आपल्या सहजसुंदर अभिनयाने प्रेक्षकांच्या मनावर राज्य करणारी ...
नमित मल्होत्रा यांचे मत
नमित मल्होत्रा यांनी सांगितले की, 'रामायण ही केवळ एक कथा नाही, तर भारतीय संस्कृती (Culture), परंपरा (Tradition) आणि मूल्यांचा (Values) आत्मा आहे. ही कथा जगभरातील प्रेक्षकांपर्यंत सर्वोच्च दर्जाच्या सिनेमाई (Cinematic) अनुभवातून पोहोचवण्याचा आमचा प्रयत्न आहे.'
नितेश तिवारी काय म्हणाले?
दिग्दर्शक नितेश तिवारी म्हणाले, 'रामायण ही संपूर्ण मानवजातीची कथा आहे. या चित्रपटातील प्रत्येक दृश्य, संगीत, अभिनय, प्रोडक्शन डिझाइन (Production Design) आणि व्हिज्युअल इफेक्ट्स (Visual Effects) तयार करताना या महान परंपरेचा पूर्ण आदर राखण्याचा प्रयत्न केला आहे. प्रेक्षकांना या चित्रपटातून केवळ भव्यता नाही, तर रामायणातील भावना आणि मानवी मूल्यांचाही अनुभव मिळेल.'