Pune Murder : शिक्रापुरात पोत्यात सापडलेल्या तरुणाच्या मृतदेहाचं गूढ उलगडलं; अनैतिक संबंधाच्या संशयातून रूममेटकडून खून

धक्कादायक! पत्नीच्या मदतीने मृतदेह पोत्यात भरून झुडपात फेकला; दोन्ही आरोपींना अटक

पुणे : पुणे (Pune) जिल्ह्यातील शिक्रापूर (Shikrapur) येथील करंजेनगर परिसरात पोत्यात सापडलेल्या अज्ञात तरुणाच्या मृतदेहाप्रकरणाचा अवघ्या काही तासांत पोलिसांनी छडा लावला आहे. अनैतिक संबंधाच्या संशयातून रूममेटनेच मित्राचा गळा दाबून खून (Murder) केल्याची धक्कादायक बाब तपासात समोर आली आहे. पुरावे नष्ट करण्यासाठी आरोपीने पत्नीच्या मदतीने मृतदेह पोत्यात भरून निर्जन झुडपात फेकल्याची कबुली दिली आहे.

२४ ते २६ जुलैदरम्यान ही घटना घडली. गौरव उर्फ अक्षय अशोक वायकर (वय २४, रा. थेऊर, ता. हवेली) याचा खून करण्यात आला. २६ जुलै रोजी करंजेनगर येथील मोकळ्या मैदानातील झुडपात पोत्यात भरलेला मृतदेह आढळल्यानंतर परिसरात खळबळ उडाली होती. (Pune Crime)

Zipline Rescue : तोरणमाळच्या झिपलाईनवर थरार! ३,५०० फूट खोल दरीवर पर्यटक अडकला, अखेर सुखरूप सुटका

नंदुरबार : नंदुरबार जिल्ह्यातील प्रसिद्ध पर्यटनस्थळ (Tourist Destination) असलेल्या तोरणमाळमधील सीताखाई पॉइंट (Sitakhai Point) येथे गुरुवारी एक थरारक घटना घडली. ३,५०० फूट खोल ...

मृताची ओळख पटवण्यासाठी शिक्रापूर पोलिसांनी सोशल मीडियावर छायाचित्रे प्रसारित केली आणि गुप्त बातमीदारांच्या मदतीने तपास सुरू केला. त्यानंतर मृताची ओळख गौरव उर्फ अक्षय वायकर अशी पटली. (Murder Case)

तपासात गौरव हा करंजेनगर येथे मुकेश विठ्ठल सोनवणे (वय १९) आणि त्याची पत्नी जान्हवी अनिल पाटोळे (वय १९) यांच्यासोबत राहत असल्याचे समोर आले. गेल्या काही दिवसांपासून त्यांच्यात वाद सुरू असल्याची माहिती मिळाल्यानंतर पोलिसांनी दोघांना ताब्यात घेतले. (Pune Police)

चौकशीत मुकेशने अनैतिक संबंधाच्या संशयातून गौरवचा गळा दाबून खून केल्याची कबुली दिली. त्यानंतर पत्नी जान्हवीच्या मदतीने मृतदेह पोत्यात भरून करंजेनगर येथील झुडपात टाकल्याचेही उघड झाले. (Deathbody)

या प्रकरणी मयताची आई कांचन अशोक वायकर यांच्या फिर्यादीवरून शिक्रापूर पोलीस ठाण्यात गुन्हा दाखल करण्यात आला असून दोन्ही आरोपींना अटक करण्यात आली आहे. या हत्येमागील इतर कारणांचा शोध घेण्यासाठी शिक्रापूर पोलीस पुढील तपास करत आहेत.  (Arrest )