नवी दिल्ली : स्वातंत्र्यदिनाचे औचित्य साधून ई-कॉमर्स क्षेत्रातील दिग्गज कंपनी 'अॅमेझॉन'ने (Amazon) आपल्या भारतीय ग्राहकांसाठी वर्षातील सर्वात मोठ्या सेलची घोषणा केली आहे. येत्या ७ ऑगस्टपासून 'अॅमेझॉन ग्रेट फ्रीडम सेल' (Amazon Great Freedom Sale) सुरू होत आहे. तुम्ही जर नवीन स्मार्टफोन, लॅपटॉप, टीव्ही, किंवा गृहोपयोगी वस्तू (Home Appliances) खरेदी करण्याचा विचार करत असाल, तर ही तुमच्यासाठी हक्काची संधी ठरणार आहे.
प्राइम मेंबर्ससाठी विशेष सवलत?
अॅमेझॉनचा हा स्वातंत्र्यदिन विशेष वार्षिक सेल ७ ऑगस्टपासून लाइव्ह होणार आहे. मात्र, हा सेल किती दिवस चालणार याबाबत कंपनीने अद्याप अधिकृत माहिती दिलेली नाही. दरवेळेप्रमाणे यंदाही 'अॅमेझॉन प्राइम' (Amazon Prime) सदस्यांना नेहमीच्या ग्राहकांपेक्षा २४ तास आधीच (Early Access) या सेलचा लाभ घेण्याची संधी मिळण्याची दाट शक्यता आहे. या सेलदरम्यान इलेक्ट्रॉनिक गॅझेट्सपासून ते कपड्यांपर्यंत विविध कॅटेगिरीवर मोठी सूट दिली जाणार आहे.
नवी दिल्ली : दुबईवरून मुंबईकडे येणाऱ्या इंडिगो (IndiGo) एयरलाइन्सच्या विमानात अचानक तांत्रिक बिघाड झाल्याने मोठी खळबळ उडाली. उड्डाणादरम्यान विमानाच्या ...
१०% थेट डिस्काउंट आणि ईएमआयची सुविधा
ग्राहकांची बचत अधिक वाढवण्यासाठी अॅमेझॉनने बँकांसोबत विशेष करार केले आहेत. या सेलमध्ये 'एचडीएफसी' (HDFC) बँकेच्या क्रेडिट कार्ड आणि ईजी ईएमआय (Easy EMI) व्यवहारांवर ग्राहकांना १० टक्क्यांपर्यंत इन्स्टंट डिस्काउंट (Instant Discount) मिळणार आहे. याशिवाय, 'अॅमेझॉन पे आयसीआयसीआय' (Amazon Pay ICICI) क्रेडिट कार्ड वापरणाऱ्या ग्राहकांना ५ टक्क्यांपर्यंत अनलिमिटेड कॅशबॅकची संधी उपलब्ध असेल. महागड्या वस्तूंसाठी 'नो-कॉस्ट ईएमआय' (No-Cost EMI) आणि जुन्या वस्तूंच्या बदल्यात 'एक्सचेंज ऑफर्स'चा (Exchange Offers) फायदाही घेता येईल.
रात्री ८ वाजता खास 'लिमिटेड पीरियड डील्स' आणि डिस्काउंट कूपन्स!
या सेलचे मुख्य आकर्षण म्हणजे कंपनी दररोज रात्री ८ वाजता खास 'लिमिटेड पीरियड डील्स' (Limited Period Deals) सादर करणार आहे. त्याशिवाय 'ब्लॉकबस्टर डील्स', 'ट्रेंडिंग डील्स' आणि विशेष 'एक्सचेंज मेला'चे आयोजन केले जाईल. 'बाय मोअर, सेव मोअर' (Buy More, Save More), 'अॅमेझॉन कूपन्स' आणि गिफ्ट कार्ड्सवर १० टक्क्यांपर्यंतच्या अतिरिक्त सवलतींमुळे ग्राहकांना अगदी अल्प दरात वस्तू खरेदी करता येतील. कोणत्या विशिष्ट स्मार्टफोन्स आणि गॅझेट्सवर किती रुपयांची सूट असेल, याचा उलगडा सेल सुरू होण्याच्या दोन ते तीन दिवस आधी अॅमेझॉनच्या वेबसाइटवर केला जाईल.
