पुणे : पुणे शहरात गेल्या काही दिवसांपासून पावसाचा जोर कायम असून पुढील दोन दिवसही हलका ते मध्यम पाऊस पडण्याची शक्यता हवामान विभागाने व्यक्त केली आहे. शहरासाठी ऑरेंज अलर्ट जारी करण्यात आला असून घाटमाथा परिसरासाठी रेड अलर्ट देण्यात आला आहे. त्यामुळे नागरिकांनी आणि विशेषतः विकेंडला पर्यटनाचा बेत आखणाऱ्यांनी हवामानाचा अंदाज तपासूनच प्रवास करावा, असे आवाहन करण्यात आले आहे. (Pune News)
मुंबई :राष्ट्रवादी काँग्रेस (शरदचंद्र पवार) पक्षाचे आमदार रोहित पवार यांनी सोशल मीडियावर शेअर केलेल्या एका व्हिडिओवरून सध्या जोरदार चर्चा रंगली आहे. ...
गेल्या आठवडाभरापासून सुरू असलेल्या पावसामुळे पुण्यात वातावरणात चांगलाच गारवा निर्माण झाला आहे. गुरुवारी सकाळपासून शहरात जोरदार वारे वाहत होते. दुपारनंतर अनेक भागांत मध्यम स्वरूपाचा पाऊस सुरू झाला आणि रात्री उशिरापर्यंत त्याची रिपरिप कायम होती.(Weather Update) सततच्या पावसामुळे कमाल तापमानात घट झाली असून तापमान सुमारे 26 अंश सेल्सिअसपर्यंत खाली आले आहे. त्यामुळे अनेक पुणेकरांना पावसापासून बचावासाठी रेनकोटसोबत हलके उबदार कपडेही वापरावे लागत आहेत. (Pune Rain)
14 जिल्ह्यांकडे पावसाने फिरवली पाठ! महाराष्ट्रात पावसाचा जोर कायम असला तरी राज्यात दोन वेगवेगळी चित्रे पाहायला मिळत आहेत. एका बाजूला कोकण, मुंबई आणि ...
यंदाचा जुलै महिना पुण्यासाठी विक्रमी ठरत आहे. जूनमध्ये अपेक्षेपेक्षा कमी पाऊस झाल्यानंतर जुलैमध्ये पावसाने जोरदार हजेरी लावली. 1 ते 22 जुलै या कालावधीत शहरात तब्बल 452.6 मिमी पावसाची नोंद झाली आहे. हवामान विभागाच्या आकडेवारीनुसार, पुण्यात जुलै महिन्यात सरासरी 181.1 मिमी पाऊस पडतो. मात्र यंदाचा पाऊस हा सरासरीच्या दुप्पटपेक्षा अधिक झाला आहे. (Maharasshtra Rain)
यापूर्वी 2014 मध्ये जुलै महिन्यात 282.4 मिमी पावसाची नोंद झाली होती. यंदा हा विक्रम मोठ्या फरकाने मोडीत निघाला आहे. तसेच 1 जूनपासून आतापर्यंत पुण्यात एकूण 516 मिमी पावसाची नोंद झाली असून, त्यापैकी जून महिन्यात केवळ 64 मिमी पाऊस झाला होता. जुलै महिना संपण्यास अजून काही दिवस बाकी असतानाच पुण्याने 12 वर्षांतील सर्वाधिक जुलै पावसाचा नवा विक्रम नोंदवला आहे. ( Pune Weather News)