नवी दिल्ली: भविष्यातील आर्थिक सुरक्षा आणि चांगल्या परताव्यासाठी सुरक्षित गुंतवणूक मानली जाणारी पोस्ट ऑफिसची रिकरिंग डिपॉझिट (Post Office RD) योजना सध्या चांगलीच चर्चेत आहे. सर्वसामान्य नागरिकांसाठी ही योजना उत्तम पर्याय ठरत असून, यात दरमहा अगदी कमी बचत करून मोठा फंड तयार करता येतो. विशेष म्हणजे, केंद्र सरकारने जुलै ते सप्टेंबर 2026 या तिमाहीसाठी या योजनेवर वार्षिक ६.७ टक्के व्याजदर जाहीर केला आहे. या योजनेचे गणित कसे आहे, हे सविस्तर पाहूया.
मुंबई : सासू-सुनेच्या (Mother-in-law & Daughter-in-law) नात्यावर आधारित अनेक मालिका (Serials) आणि सिनेमे (Movies) प्रेक्षकांनी पाहिले आहेत. मात्र बहुतेक ठिकाणी या नात्याला वाद, ...
गुंतवणुकीचे संपूर्ण गणित
पोस्ट ऑफिसच्या या आरडी खात्यात जर तुम्ही दरमहा नियमितपणे २,००० रुपयांची बचत केली, तर ५ वर्षांत (६० महिन्यांत) तुमची एकूण गुंतवणूक १,२०,००० रुपये होते. यावर ६.७ टक्के त्रैमासिक चक्रवाढ व्याजदरानुसार अंदाजे २२,७३२ रुपयांचे व्याज मिळते. परिणामी, ५ वर्षे पूर्ण झाल्यानंतर मुद्दल आणि व्याज मिळून एकूण १,४२,७३२ रुपयांचा मोठा फंड तुमच्या हातात पडतो. या योजनेचे सर्वात मोठे वैशिष्ट्य म्हणजे यामध्ये दर तीन महिन्यांनी व्याजाची रक्कम मुद्दलात जोडली जाते, ज्यामुळे चक्रवाढ व्याजाचा जबरदस्त फायदा मिळतो.
आपल्या मुलांच्या भवितव्यासाठी उद्धव, राज ठाकरेंचा मोर्चा https://prahaar.in/2026/07/24/where-was-the-first-evidence-of-zero-found-learn-the-history-of-this-ancient-temple-in-india/ मुंबई : उबाठा गट आणि मनसेच्या वतीने रविवारी ...
फक्त १०० रुपयांपासून गुंतवणुकीची सुरुवात
सर्वसामान्य आणि मध्यमवर्गीय नागरिकांना डोळ्यांसमोर ठेवून ही योजना बनवली आहे. यामध्ये तुम्ही अगदी दरमहा किमान १०० रुपयांपासून गुंतवणुकीची सुरुवात करू शकता. तसेच, यात जास्तीत जास्त गुंतवणुकीसाठी कोणतीही कमाल मर्यादा नाही, त्यामुळे व्यक्ती आपल्या आर्थिक क्षमतेनुसार अधिक रक्कमही जमा करू शकते. भारत सरकारच्या अखत्यारीत ही योजना असल्यामुळे यामध्ये पैशांची पूर्ण सुरक्षितता मिळते. खाते उघडण्यासाठी आधार कार्ड, पॅन कार्ड आणि पासपोर्ट आकाराचा फोटो यांसारखी केवायसी कागदपत्रे आवश्यक असतात.
ई-मेलवर मिळालेली नोटीस ग्राह्य धरणार https://prahaar.in/2026/07/24/no-police-misconduct-towards-the-protesting-female-student/ मुंबई : ग्रामीण भागातील शेती, शेतरस्ते, वहिवाट किंवा पाण्याचे प्रवाह ...
अडीच वर्षांनंतर काढता येतात पैसे
गुंतवणुकीच्या काळात जर अचानक पैशांची मोठी गरज भासल्यास, खाते उघडून किमान ३ वर्षे (३६ महिने) पूर्ण झाल्यानंतर ते मुदतीपूर्वी बंद करण्याची (Pre-mature closure) सुविधाही यात उपलब्ध आहे. मात्र, अशाप्रकरणी नियमांनुसार व्याजदरात बदल होऊ शकतो आणि मिळणारा परतावा कमी होण्याची शक्यता असते. याशिवाय, या योजनेतील व्याजाच्या उत्पन्नावर नियमांनुसार कर लागू शकतो.
थोडक्यात सांगायचे तर, दरमहा थोडी-थोडी बचत करून भविष्यात सुरक्षित आणि मोठा आर्थिक निधी उभा करू इच्छिणाऱ्यांसाठी पोस्ट ऑफिसची ही आरडी योजना अत्यंत फायदेशीर ठरू शकते.