नवी दिल्ली : महादेव सट्टा अॅपशी संबंधित आर्थिक गैरव्यवहार प्रकरणात अंमलबजावणी संचालनालयाने (ED) तपासाची व्याप्ती वाढवली असून अनेक प्रसिद्ध व्यक्तींची नावे तपासात समोर येत आहेत. उद्योगपती विकास गर्ग यांना अटक केल्यानंतर ईडीने टीव्ही होस्ट आणि बिग बॉसची माजी स्पर्धक शेफाली बग्गा यांचीही चौकशी केली आहे. (Mahadev Betting App)
तपासादरम्यान शेफाली बग्गाने सट्टा अॅपच्या जाहिरातींसंबंधी व्यवहार तिचे वडील पाहत असल्याचे सांगितल्याची माहिती समोर आली आहे. आर्थिक व्यवहारांची जबाबदारीही त्यांच्याकडे असल्याचे तिने चौकशीत नमूद केल्याचे सांगितले जात आहे. यापूर्वी 30 मे रोजी ईडीने (ED) दिल्लीतील तिच्या निवासस्थानी छापा टाकून सुमारे 30 लाख रुपये जप्त केले होते. तपास यंत्रणेनुसार, ही रक्कम अॅपच्या प्रचारातून मिळाल्याचा संशय आहे. यानंतर तिला चौकशीसाठी नोटीस बजावण्यात आली होती.
या प्रकरणात ईडीने उद्योगपती विकास गर्ग (Vikas Garg) यांच्याशी संबंधित सुमारे 907.44 कोटी रुपयांच्या मालमत्तेची चौकशी सुरू केली आहे. त्यांच्या अटकेनंतर मिळालेल्या माहितीनुसार तपास अधिक वेगाने सुरू असून विविध क्षेत्रातील काही नामांकित व्यक्तींनाही चौकशीसाठी नोटिसा पाठवण्यात आल्याची माहिती सूत्रांकडून मिळत आहे.
हॉलीवूड (Hollywood) सिनेमांसाठी २०२६ हे वर्ष खास ठरणार आहे. क्रिस्टोफर नोलन यांच्या ‘द ओडिसी’ (The Odyssey) या बिग बजेट चित्रपटाच्या (Big Budget Movie) प्रदर्शनानंतर आता ...
तपास यंत्रणांच्या माहितीनुसार, या कथित सट्टेबाजी नेटवर्कशी संबंधित निधीपैकी मोठी रक्कम परदेशातील कंपन्यांमध्ये गुंतवण्यात आल्याचा संशय आहे. या आर्थिक व्यवहारांचा मागोवा घेण्याचे काम सुरू आहे. (Betting App)
दरम्यान, या कारवाईमुळे छत्तीसगडच्या राजकारणातही आरोप-प्रत्यारोप सुरू झाले आहेत. माजी मुख्यमंत्री भूपेश बघेल यांनी या प्रकरणात सखोल चौकशीची मागणी केली आहे. त्यावर राज्याचे उपमुख्यमंत्री विजय शर्मा यांनी प्रतिक्रिया देत, कायद्यापुढे सर्व समान असून दोषी आढळणाऱ्या कोणत्याही व्यक्तीवर कठोर कारवाई केली जाईल, असे स्पष्ट केले. (Beeting Scam)
सध्या ईडीकडून या संपूर्ण प्रकरणाचा तपास सुरू असून आणखी काही महत्त्वाचे खुलासे होण्याची शक्यता व्यक्त केली जात आहे. (Cyber Crime)
