पुणे : पुण्यातील (Pune) हडपसर (Hadapsar) परिसरात अत्यंत धक्कादायक घटना घडली आहे. स्वयंपाकघरातून (Kitchen) पकडलेला उंदीर बाहेर फेकण्याच्या किरकोळ कारणावरून झालेला वाद इतका विकोपाला गेला की, एका ५५ वर्षीय व्यक्तीवर मोठा दगड (Stone) डोक्यात घालून जीवघेणा हल्ला करण्यात आला. या घटनेनंतर परिसरात एकच खळबळ उडाली असून पोलिसांनी (Police) आरोपीविरुद्ध गुन्हा (Case) दाखल करून पुढील तपास सुरू केला आहे.
ही घटना १४ जुलै रोजी रात्री साडेआठच्या सुमारास हडपसरमधील सातववाडी येथील 'साई केटरिंग' (Sai Catering) येथे घडली. पोलिसांनी दिलेल्या माहितीनुसार, प्रताप महादेव कांबळे (वय ५५) आणि त्यांचा मुलगा स्वप्नील हे पार्सल (Parcel) ऑर्डरसाठी स्वयंपाक करत होते. त्यावेळी स्वयंपाकघरात एक उंदीर आढळून आला. त्यांनी तो उंदीर चिकट पॅड (Sticky Pad) मधून काढून शेजारील मोकळ्या जागेत फेकून दिला.
मुंबई : राज्यभर सुरू असलेल्या 'सेफ फूड, सेफ महाराष्ट्र' (Safe Food, Safe Maharashtra) या विशेष मोहिमेअंतर्गत अन्न व औषध प्रशासनाने (FDA) मुंबईतील शंभर वर्षांहून अधिक इतिहास ...
उंदीर बाहेर फेकल्याचे पाहून परिसरातील रहिवासी अजय लालगे (वय ३०) याने संताप व्यक्त करत थेट केटरिंगच्या जागेत येऊन वाद घालण्यास सुरुवात केली. सुरुवातीला शाब्दिक बाचाबाची (Verbal Argument) झाली. त्यानंतर शिवीगाळ आणि मारहाणही झाली.
वाद वाढताच अजय लालगे याने जवळच पडलेला मोठा दगड उचलून प्रताप कांबळे यांच्या डोक्यावर जोरदार वार केला. या हल्ल्यात ते गंभीर जखमी (Seriously Injured) झाले. घटनेनंतर त्यांना तातडीने उपचारासाठी (Treatment) नेण्यात आले.
या प्रकरणी प्रताप कांबळे यांनी हडपसर पोलीस ठाण्यात तक्रार (Complaint) दाखल केली आहे. पोलिसांनी आरोपी अजय लालगे याच्याविरुद्ध गुन्हा नोंदवला असून संपूर्ण घटनेचा तपास (Investigation) सुरू आहे. किरकोळ कारणावरून हिंसक हल्ल्याच्या (Violent Attack) वाढत्या घटनांमुळे पुणे शहरातील कायदा-सुव्यवस्थेबाबत पुन्हा एकदा चिंता व्यक्त केली जात आहे.