Jalgaon Crime : जळगाव जिल्ह्यातील यावल तालुक्यात किनगाव येथे एक धक्कादायक घटना उघडकीस आली आहे. सोमवारी पोलिसांना शेतात असलेल्या एका विहिरीत २७ वर्षीय अंध महिला आणि तिचा साडेतीन वर्षीय अंध मुलगा पडल्याची माहिती मिळाली होती. या घटनेत मुलाचा मृत्यू झाला आहे तर अंध महिला थोडक्यात बचावली आहे. हा मृत्यू अकस्मात असण्याची शक्यता वर्तवण्यात येत होती. मात्र आता प्रकरणाला नवीन वळण मिळाले असून या प्रकरणी महिलेचा अंध पती आणि सासूविरुद्ध यावल पोलीस ठाण्यात (Yaval Police Station) खून व खूनाचा प्रयत्न केल्याचा गुन्हा दाखल करण्यात आला असून, दोन्ही संशयितांना ताब्यात घेण्यात आले आहे. (Jalgaon Crime News)
Nashik News : एक ह्रदयद्रावक घटना समोर आली आहे. संतश्रेष्ठ निवृत्तीनाथ महाराज पालखी (Sant Nivruttinath Maharaj Palkhi) सोहळ्यात त्र्यंबकेश्वरहून (Trimbakeshwar) सहभागी झालेल्या एका वृद्ध ...
नेमके प्रकरण काय ?
किनगाव शिवारातील शेतात असलेल्या एका विहिरीत १३ जुलै रोजी सकाळी साडेआठच्या सुमारास २७ वर्षीय महिला आणि तिचा साडेतीन वर्षीय मुलगा पडल्याची माहिती पोलिसांना मिळाली. खोलवर पडल्यामुळे या घटनेत महिला गंभीर जखमी झाली तर तिच्या साडे तीन वर्षाच्या मुलाचा पाण्यात बुडून मृत्यू झाला. या घटनेची सुरुवातीला अकस्मात मृत्यूची नोंद करण्यात आली होती. महिलेवर उपचार सुरु असून प्रकृती गंभीर असल्यामुळे तिने सुरुवातीला कोणताही जबाब दिला नव्हता. त्यामुळे ही घटना अपघाती असल्याचा प्राथमिक अंदाज व्यक्त करण्यात आला होता. (Jalgaon Crime News)
Nashik : नाशिकच्या क्रीडाक्षेत्रासाठी अभिमानाची बातमी आहे. आज प्रत्येक नाशिककर अभिमानाने श्रावणी सांगळे (Shravani Sangale) हिचे नाव घेत आहे, आणि त्याला कारणही तसंच ...
सासूने विहिरीत ढकलून दिल्याचा आरोप
चिमुरड्याने अंत्यसंस्कार झाल्यानंतर पोलिसांनी रात्री उशिरापर्यंत महिलेची सखोल चौकशी केली. त्यावेळी तिने अतिशय धक्कादायक माहिती दिली. शेतातील विहिरीची पूजा करण्यासाठी गेल्यानंतर सासूने तिला आणि मुलाला मुद्दाम विहिरीत ढकलून दिल्याचा आरोप तिने केला. धक्कादायक म्हणजे या कटात पतीचाही सहभाग असल्याचे तक्रारीत नमूद करण्यात आले आहे. फिर्यादीनुसार, विहिरीत पडल्यावर तिने आत असलेल्या लाकडी फाउंडेशनचा आधार घेत जीव वाचवला. मात्र, तिचा साडेतीन वर्षीय मुलगा पाण्यात बुडाल्याने त्याचा मृत्यू झाला. (Jalgaon Crime News)
Nashik TCS Case : नाशिकसह संपूर्ण महाराष्ट्राला हादरवून सोडणाऱ्या नाशिकच्या टीसीएस प्रकरणात महत्त्वाची माहिती समोर आली आहे. कंपनीतील धार्मिक छळ प्रकरणात अटक ...
पतीही शंभर टक्के दृष्टिहीन
पोलिस तपासानुसार, फिर्यादी महिला ७० टक्के दृष्टिदोष असलेली आहे, आणि तिचा पती शंभर टक्के दृष्टिहीन आहे. मृत मुलगाही जन्मतःच दृष्टिहीन होता. गर्भावस्थेदरम्यान वैद्यकीय तपासणीत होणारे अपत्यही अंध असल्याचे डॉक्टरांनी सांगितले होते. त्यानंतर पतीने गर्भपात करण्याचा आग्रह धरला होता. मात्र, महिलेने त्यास नकार देऊन मुलाला जन्म दिला. यानंतर दोघांमध्ये वाद झाला, आणि हा वाद सातत्याने वाढतच गेला. या कारणामुळेच हा प्रकार घडल्याचा संशय पोलिसांनी व्यक्त केला असून, या दृष्टीने तपास सुरू आहे. (Jalgaon Crime News)
Shalarth ID Scam : सध्या राज्यात बनावट शालार्थ आयडी घोटाळा मोठ्या प्रमाणात चर्चेत आहे. बनावट शालार्थ आदेशाच्या आधारे शासनाची सुमारे १६० कोटी रुपयांची आर्थिक ...
महिलेचा पती आणि सासू ताब्यात
या प्रकरणी फिर्यादी सरस्वती स्वप्नील पाटील (२७, रा. किनगाव, यावल) यांच्या तक्रारीवरून यावल पोलीस ठाण्यात पती स्वप्नील भागवत पाटील (३४) आणि सासू आशाबाई भागवत पाटील (६०) यांच्याविरुद्ध भारतीय न्याय संहिता (बीएनएस) कलम १०३ (१), १०९ (१) आणि ३ (५) अंतर्गत खून व खूनाचा प्रयत्न केल्याप्रकरणी गुन्हा दाखल करण्यात आला आहे. दोन्ही संशयितांना यावल पोलिसांनी ताब्यात घेतले असून, या प्रकरणाचा पुढील तपास पोलिसांकडून सुरू आहे.
