मध्य रेल्वे प्रवाशांना विनंती करते की त्यांनी केवळ स्थानकावरील प्लॅटफॉर्मवरूनच ट्रेनमध्ये चढावे व उतरावे आणि यार्ड, कार शेड किंवा सिग्नलच्या ठिकाणांहून ट्रेनमध्ये चढणे/उतरणे टाळावे.
मुंबई (Mumbai) : सकाळी ०८:०० ते ०८:३० या वेळेत असे निदर्शनास आले आहे की, जेव्हा कळवा कार शेडमधून सुटणारी उपनगरी (लोकल) ट्रेनची रिकामी गाडी मुख्य प्रवेशद्वाराजवळील केबिनजवळ सिग्नलमुळे थांबते, तेव्हा प्रवासी, गेटमधून अनधिकृतपणे आत येतात आणि सिग्नलच्या ठिकाणीच ट्रेनमध्ये चढण्याचा प्रयत्न करतात. ही कृती अत्यंत धोकादायक आहे. सिग्नल मिळाल्यावर ट्रेन अचानक सुरू झाल्यास गंभीर अपघात होऊ शकतो, ज्यामुळे जीवितहानी किंवा शारीरिक इजा होण्याची शक्यता असते.(Mumbai Local)
नागपूर: नागपूरमध्ये प्रधानमंत्री आवास योजना (शहरी) 2.0 अंतर्गत उभारण्यात येणाऱ्या 'स्वप्नपूर्ती' गृहनिर्माण प्रकल्पाचा रविवारी मुख्यमंत्री देवेंद्र ...
प्रवाशांच्या सुरक्षिततेसाठी, मध्य रेल्वेने संबंधित विभागांशी समन्वय साधून हे गेट कायमस्वरूपी बंद करण्याचा निर्णय घेतला आहे. विविध सुरक्षा निकषांची पडताळणी करून सिग्नलवर ट्रेन थांबण्याची गरज कशी टाळता येईल, याचाही विचार केला जात आहे. कोणतीही अनुचित घटना टाळण्यासाठी या ठिकाणी आरपीएफ जवानांची योग्य प्रकारे नियुक्ती करण्यात आली आहे.
मुंबई : खासदार विनायक राऊत (Vinayak raut) यांच्या सून गिरीजा राऊत (Girija Raut) यांनी पती, सासरे आणि कुटुंबातील अन्य सदस्यांविरोधात मानसिक छळ व कौटुंबिक अत्याचाराचे ...
कार शेड किंवा प्रवाशांसाठी नसलेल्या इतर ठिकाणांहून रिकाम्या ट्रेनमध्ये चढणे अत्यंत धोकादायक आहे आणि रेल्वे कायद्यानुसार हा दंडनीय गुन्हा आहे. अनधिकृत ठिकाणांहून ट्रेनमध्ये चढणाऱ्या/उतरणाऱ्या आणि प्रवेश करणाऱ्या व्यक्तींवर कठोर कायदेशीर कारवाई केली जाईल. मध्य रेल्वे प्रवाशांना आवाहन करते की, त्यांनी रेल्वे स्थानकांवरील अधिकृत प्लॅटफॉर्मवरूनच ट्रेनमध्ये चढावे व उतरावे आणि यार्ड, कार शेड, सिग्नल किंवा कोणत्याही अनधिकृत ठिकाणांहून ट्रेनमध्ये चढणे/उतरणे टाळावे.(Railway)
प्रवाशांची सुरक्षा आमच्यासाठी अत्यंत महत्त्वाची आहे. प्रवाशांना विनंती आहे की त्यांनी रेल्वे प्रशासनाला सहकार्य करावे आणि सर्व सुरक्षा सूचनांचे पालन करावे. कोणत्याही मदतीसाठी, कृपया रेल्वे हेल्पलाइन क्रमांक १३९ वर कॉल करा किंवा जवळच्या कर्तव्यावर असलेल्या रेल्वे कर्मचाऱ्याशी संपर्क साधा.
