मुंबई : मलबार हिल (Malabar Hill) येथील लोकभवन (Lokbhavan) परिसरात सोमवारी सकाळी धक्कादायक घटना घडली. राजभवनाच्या सुरक्षेसाठी तैनात असलेल्या राज्य राखीव पोलीस दलाच्या (SRPF) एका जवानाने ड्युटीदरम्यान स्वतःवर गोळी झाडून आत्महत्या केल्याची घटना समोर आली आहे. या प्रकारामुळे राजभवन परिसरात एकच खळबळ उडाली.
मुंबई : राज्यात मुसळधार पावसाचा इशारा कायम असल्याने अनेक जिल्ह्यांमध्ये खबरदारीचा उपाय म्हणून शाळा आणि महाविद्यालयांना आज सुट्टी जाहीर करण्यात आली ...
मृत जवानाचे नाव कौस्तुभ सांगळे (Kaustabh Sangle) असून ते एसआरपीएफ ग्रुप १६, कोल्हापूर येथील पोलीस अंमलदार होते. सध्या त्यांची नियुक्ती मुंबईतील राजभवनाच्या सुरक्षेसाठी करण्यात आली होती. घटनेच्या वेळी ते राजभवन परिसरातील 'लोक भवन' येथे गार्ड ड्युटीवर होते.
प्राथमिक माहितीनुसार, कौस्तुभ सांगळे यांनी ड्युटीदरम्यान त्यांच्या सर्व्हिस रायफलमधून स्वतःवर गोळी झाडली. गोळीबाराचा आवाज ऐकताच इतर सुरक्षा कर्मचारी घटनास्थळी धावले. मात्र, तोपर्यंत त्यांचा मृत्यू झाला होता. (Mumbai Police)
मुंबई : यंदाच्या मान्सूनमध्ये मुंबईत पावसामुळे घडणाऱ्या दुर्घटनांचे प्रमाण वाढत असून, ३० जून ते ५ जुलै या अवघ्या सहा दिवसांत विविध घटनांमध्ये १० ...
घटनेची माहिती मिळताच मलबार हिल पोलीस ठाण्याचे अधिकारी आणि गुन्हे अन्वेषण पथक घटनास्थळी दाखल झाले. पोलिसांनी पंचनामा करून मृतदेह उत्तरीय तपासणीसाठी रुग्णालयात पाठवला आहे.
या घटनेमागील नेमके कारण अद्याप स्पष्ट झालेले नाही. कौटुंबिक कारण, मानसिक तणाव किंवा इतर कोणते कारण होते का, याचा पोलीस सर्व बाजूंनी तपास करत आहेत. घटनास्थळावरून कोणतीही सुसाईड नोट मिळालेली नसल्याची प्राथमिक माहिती आहे.
दरम्यान, पोलिसांकडून राजभवनातील सुरक्षा कर्मचारी आणि सहकाऱ्यांचे जबाब नोंदवले जात असून या प्रकरणाचा पुढील तपास सुरू आहे. अधिकृत तपास पूर्ण होईपर्यंत आत्महत्येचे कारण स्पष्ट होऊ शकणार नसल्याचे पोलिसांनी सांगितले.