मुंबई : कुर्ला (पश्चिम) येथील नौपाडा परिसरात झाडाची फांदी कोसळून ६३ वर्षीय नागरिकाचा मृत्यू झाल्याच्या दुर्दैवी घटनेनंतर मुंबईच्या महापौर रितू तावडे (Mayor Ritu Tawde) यांनी तातडीने घटनास्थळी धाव घेत पाहणी केली. दुर्घटनेचा आढावा घेतल्यानंतर त्यांनी मृत व्यक्तीच्या कुटुंबीयांना ५ लाख रुपयांची तात्काळ आर्थिक मदत जाहीर केली. तसेच, अशा घटना पुन्हा घडू नयेत यासाठी संपूर्ण मुंबईत झाडांचे तातडीने ट्री ऑडिट करून धोकादायक झाडांच्या छाटणीची मोहीम युद्धपातळीवर राबविण्याचे निर्देश प्रशासनाला दिले.
शनिवारी (५ जुलै) दुपारच्या सुमारास कुर्ल्यातील नौपाडा परिसरात एका दुकानावर झाडाची मोठी फांदी अचानक कोसळली. या दुर्घटनेत स्थानिक रहिवासी युनूस कुंडावाला (वय ६३) गंभीर जखमी झाले. त्यांना तातडीने रुग्णालयात दाखल करण्यात आले. मात्र, उपचारादरम्यान त्यांचा मृत्यू झाला. या घटनेमुळे परिसरात शोककळा पसरली असून नागरिकांमध्ये संतापाचे वातावरण निर्माण झाले आहे. (Mayor Ritu Tawde)
मुंबई : मुंबई, ठाण्यासह महाराष्ट्रात मान्सूनचा जोर वाढला असून पुढचे चार दिवस ही स्थिती अशीच राहण्याची शक्यता हवामान विभागाने वर्तवली आहे. त्यामुळे ७ ...
घटनेची माहिती मिळताच महापौर रितू तावडे (Mayor Ritu Tawde) यांनी अधिकाऱ्यांसह घटनास्थळी भेट देत परिस्थितीची पाहणी केली. त्यांनी मृताच्या कुटुंबीयांची भेट घेऊन त्यांचे सांत्वन केले आणि महानगरपालिकेच्या वतीने ५ लाख रुपयांची तात्काळ मदत जाहीर केली.
पाहणीदरम्यान महापौरांनी स्थानिक नागरिकांशी संवाद साधत त्यांच्या तक्रारी आणि समस्या जाणून घेतल्या. पावसाळ्यात मुंबईत झाडे कोसळण्याच्या वाढत्या घटनांबाबत गंभीर चिंता व्यक्त करत त्यांनी संबंधित अधिकाऱ्यांना शहरातील सर्व धोकादायक झाडांचे तातडीने सर्वेक्षण करण्याचे आदेश दिले. ज्या ठिकाणी झाडे किंवा फांद्या धोकादायक स्थितीत आहेत, तेथे त्वरित छाटणी करून नागरिकांच्या सुरक्षिततेला प्राधान्य देण्याच्या सूचनाही त्यांनी दिल्या. (Mayor Ritu Tawde)
"नागरिकांच्या जीवाशी खेळ करणारी कोणतीही हलगर्जी सहन केली जाणार नाही. पावसाळ्यात संभाव्य धोके ओळखून प्रतिबंधात्मक उपाययोजना तातडीने राबवाव्यात," असे स्पष्ट निर्देश महापौरांनी (Mayor Ritu Tawde) महानगरपालिका प्रशासनाला दिले.
सोलापूर : स्वतःला देवाचा अवतार असल्याचा दावा करत चमत्कार आणि उपचारांच्या नावाखाली लोकांची दिशाभूल करणारा भोंदू बाबा मनोहर भोसले (Bhondu Baba Manohar Bhosale) पुन्हा ...
दरम्यान, मुंबईत गेल्या काही दिवसांपासून सुरू असलेल्या मुसळधार पावसामुळे झाडे कोसळण्याच्या घटनांमध्ये वाढ झाली आहे. त्यामुळे धोकादायक झाडांची छाटणी, नियमित ट्री ऑडिट आणि आपत्कालीन यंत्रणा अधिक सतर्क ठेवण्याची मागणी नागरिकांकडून होत आहे. या पाहणीवेळी स्थानिक नगरसेवक तथा सार्वजनिक आरोग्य समितीचे अध्यक्ष हरीश भांदिर्गे, नगरसेवक नितेश सिंह, महानगरपालिकेचे संबंधित अधिकारी तसेच स्थानिक पोलीस अधिकारी उपस्थित होते. (Mayor Ritu Tawde)
