Chief Breakup Officer : नोकरीच्या शोधात असाल तर ही बातमी तुमच्यासाठी आहे. महिन्याला २.८ लाखांचा पगार आहे त्यामुळे लाईफ सेट अशी नोकरी. विशेष म्हणजे या नोकरीत ऑफिसचं काम नाही, टार्गेट नाही. आता तुम्हांला प्रश्न पडला असेल काम नक्की आहे तरी काय ? तर या नोकरीत लोकांचं ब्रेकअप करून द्यायचं आहे. होय... एका ग्लोबल डेटिंग कंपनीने अशीच एक भन्नाट नोकरी जाहीर केली असून, त्यासाठी महिन्याला तब्बल २ लाख ८० हजार रुपयांचा पगार दिला जाणार आहे.
मुंबई : राज्यातील १ एप्रिल २०१९ पूर्वी नोंदणी झालेल्या सर्व वाहनांवर उच्च सुरक्षा नोंदणी क्रमांक प्लेट (HSRP) बसविण्याची अंतिम मुदत ३० जून २०२६ आहे. या ...
'चीफ ब्रेकअप ऑफिसर' पदासाठी भरती प्रक्रिया
जागतिक डेटिंग प्लॅटफॉर्म Dating.com ने 'चीफ ब्रेकअप ऑफिसर' (Chief Breakup Officer) या अनोख्या पदासाठी भरती प्रक्रिया सुरू केली आहे. ही पार्ट-टाईम आणि वर्क फ्रॉम होम (Work from home) नोकरी असून, निवड झालेल्या उमेदवाराला दरमहा सुमारे ३ हजार डॉलर्स, म्हणजेच जवळपास २ लाख ८० हजार रुपयांचे मानधन मिळणार आहे. या पदासाठी निवड झालेल्या व्यक्तीचे मुख्य काम असेल, जे लोक स्वतः आपल्या जोडीदाराशी ब्रेकअपबद्दल (Breakup) बोलण्याची हिंमत करू शकत नाहीत, त्यांच्या वतीने समोरच्या व्यक्तीशी संवाद साधून नातं सन्मानपूर्वक संपवून देणे.
'Strawberry Moon' : आजची संध्याकाळ आकाश निरीक्षकांसाठी आणि खगोलप्रेमींसाठी खास ठरणार आहे. आज आकाशात 'स्ट्रॉबेरी मून' पाहायला मिळणार असून, वर्षातील सर्वात सुंदर ...
पदनिर्मिती मागचं कारण आणि अटी
कंपनीच्या मते, अनेक जण नातं संपलं आहे हे माहीत असूनही समोरच्याशी स्पष्टपणे बोलू शकत नाहीत. त्यामुळे हा अधिकारी दोन्ही बाजूंचा आदर राखत, कोणाच्याही भावना न दुखावता संवाद साधेल आणि कटुता निर्माण होणार नाही याची काळजी घेईल. या नोकरीसाठी काही आगळ्यावेगळ्या अटीही ठेवण्यात आल्या आहेत. उमेदवाराने आयुष्यात किमान तीन ब्रेकअप अनुभवलेले असावेत. भावनिक परिस्थिती शांतपणे हाताळण्याची क्षमता, उत्तम संवादकौशल्य आणि आधुनिक डेटिंग संस्कृतीची चांगली समज असणे आवश्यक आहे.
कंपनीचे म्हणणे आहे की, मित्र-मैत्रिणी जेव्हा नातेसंबंधातील अडचणींवर सल्ला घेण्यासाठी सर्वात आधी ज्या व्यक्तीकडे धाव घेतात, तीच व्यक्ती या पदासाठी योग्य ठरेल. या भरतीमागचा उद्देशही तितकाच महत्त्वाचा आहे. नातं संपवताना अचानक संपर्क तोडण्याची, म्हणजेच 'घोस्टिंग'ची वाढती प्रवृत्ती रोखणे हा कंपनीचा प्रयत्न आहे. कंपनीच्या सर्वेक्षणानुसार, जवळपास ८४ टक्के Gen-Z आणि मिलेनियल्स कधी ना कधी घोस्टिंगचे बळी ठरले आहेत. त्यामुळे नातं संपवतानाही स्पष्ट संवाद आणि परस्परांचा आदर राखला जावा, या उद्देशाने ही अनोखी नोकरी तयार करण्यात आल्याचे कंपनीने स्पष्ट केले आहे.