होर्मुझच्या सामुद्रधुनीजवळ एका व्यापारी तेलवाहू जहाजावर झालेल्या ड्रोन हल्ल्यानंतर मध्य-पूर्वेतील तणाव पुन्हा एकदा शिगेला पोहोचला आहे. अमेरिकेने सलग दुसऱ्या दिवशी इराणमधील अनेक लष्करी ठिकाणांवर हवाई हल्ले केले. या कारवाईनंतर इराणनेही बहरीन आणि कुवेतमधील अमेरिकी तळांना लक्ष्य करत क्षेपणास्त्र आणि ड्रोन हल्ले केल्याचा दावा केला आहे. त्यामुळे संपूर्ण आखाती प्रदेशात युद्धजन्य परिस्थिती निर्माण झाली असून, बहरीन आणि कुवेतमध्ये हवाई हल्ल्याचे सायरन वाजवण्यात आले. (US-Iran War)
अमेरिकन लष्कराने इराणमधील सिरिक, बंदर-ए-लेंघे आणि केशम बेटासह अनेक किनारी लष्करी ठिकाणांवर अचूक हवाई हल्ले केल्याचे सांगितले आहे. अमेरिकेच्या सेंट्रल कमांड (CENTCOM)च्या माहितीनुसार, या कारवाईत इराणच्या क्षेपणास्त्र साठवणूक केंद्रांवर, ड्रोन तळांवर आणि किनारी रडार यंत्रणांवर लक्ष्य साधण्यात आले. अमेरिकेने या कारवाईचा व्हिडिओही प्रसिद्ध केला आहे. (US-Iran War)
विनाशकारी भूकंपाच्या तडाख्यातून अद्याप सावरत नसलेल्या व्हेनेझुएलाला शनिवारी (२७ जून) पुन्हा एकदा भूकंपाचा जोरदार धक्का बसला. राजधानी काराकासपासून ...
दरम्यान, इराणच्या इस्लामिक रिव्होल्यूशनरी गार्ड कॉर्प्स (IRGC)ने अमेरिकेच्या हल्ल्यांची पुष्टी करत पाच किनारी भागांवर बॉम्बहल्ले झाल्याचे म्हटले आहे. तसेच, या कारवाईला कठोर प्रत्युत्तर दिले जाईल, असा इशाराही आयआरजीसीने दिला आहे. (US-Iran War)
बहरीन आणि कुवेतमधील अमेरिकी तळ लक्ष्य :
इराणच्या सरकारी वृत्तसंस्थांच्या वृत्तानुसार, आयआरजीसीने कुवेतमधील अली अल सालेम एअर बेस आणि बहरीनमधील पोर्ट सलमान परिसरात तैनात अमेरिकेच्या पाचव्या नौदल ताफ्यावर बॅलिस्टिक क्षेपणास्त्रे आणि ड्रोन डागल्याचा दावा केला आहे. या पार्श्वभूमीवर बहरीन आणि कुवेतमध्ये हवाई हल्ल्याचे सायरन वाजवण्यात आले, तर स्थानिक लष्कराने शत्रूच्या क्षेपणास्त्र आणि ड्रोन हल्ल्यांना प्रत्युत्तर दिल्याचे सांगितले. (US-Iran War)
ट्रम्प यांचा इशारा :
अमेरिकेचे राष्ट्राध्यक्ष डोनाल्ड ट्रम्प यांनी इराणने शस्त्रसंधीचे उल्लंघन केल्याचा आरोप करत हे हल्ले केल्याचे स्पष्ट केले. त्यांनी सांगितले की, होर्मुझ सामुद्रधुनीजवळील तेलवाहू जहाजावर झालेल्या ड्रोन हल्ल्यानंतर ही कारवाई करण्यात आली. तसेच, गरज पडल्यास अमेरिका पूर्ण क्षमतेने लष्करी कारवाई करण्यास मागे हटणार नाही, असा इशाराही त्यांनी दिला. (US-Iran War)
पाकिस्तान : पाकिस्तानातील (Pakistan) कराची (Karachi) शहरात शनिवारी मोठा आत्मघाती (Suicide) हल्ला झाल्याची घटना समोर आली आहे. कराचीतील गुलिस्तान-ए-जोहर (Gulistan-e-Jauhar) परिसरातील ...
लेबनॉनमध्येही पुन्हा संघर्ष :
मध्य-पूर्वेतील तणाव केवळ इराण-अमेरिका संघर्षापुरता मर्यादित राहिलेला नाही. इस्रायलने दक्षिण लेबनॉनमध्ये पुन्हा हवाई हल्ले केल्याने एका व्यक्तीचा मृत्यू झाला आहे. काही दिवसांपूर्वी लेबनॉन सरकारसोबत झालेल्या शांतता करारानंतरही संघर्ष पुन्हा सुरू झाल्याने परिस्थिती अधिकच गंभीर झाली आहे. लेबनॉनचे राष्ट्राध्यक्ष जोसेफ औन यांनी अमेरिकेकडे हस्तक्षेप करण्याची मागणी केली आहे. (US-Iran War)
शांतता चर्चेला धक्का :
अमेरिका आणि इराण यांच्यात सुरू असलेल्या शांतता वाटाघाटींनाही या नव्या संघर्षामुळे मोठा धक्का बसला आहे. स्वित्झर्लंडमध्ये दोन्ही देशांदरम्यान युद्धविराम आणि तणाव कमी करण्यासाठी चर्चा सुरू असतानाच पुन्हा हल्ले झाल्याने कराराची शक्यता धूसर झाली आहे. मध्य-पूर्वेतील वाढत्या संघर्षामुळे जागतिक स्तरावर चिंता व्यक्त केली जात असून, तेलपुरवठा, समुद्री वाहतूक आणि प्रादेशिक सुरक्षेवर त्याचे गंभीर परिणाम होण्याची भीती व्यक्त केली जात आहे. (US-Iran War)