फिफा विश्वचषक २०२६ (FIFA World Cup 2026) स्पर्धेतील साखळी फेरी (Group Stage) आता निर्णायक टप्प्यात पोहोचली आहे. गुरुवार (२५ जून) पासून तिसऱ्या आणि अखेरच्या फेरीतील सामने खेळवले जाणार असून Round of 32 (प्री-क्वार्टर फेरी) मध्ये प्रवेशासाठी अनेक संघांमध्ये चुरशीची स्पर्धा रंगली आहे.
आतापर्यंत मेक्सिको, जर्मनी, फ्रान्स, नॉर्वे, अर्जेंटिना आणि अमेरिका यांनी बाद फेरीतील (Knockout Stage) आपले स्थान निश्चित केले आहे. यंदा प्रथमच ४८ संघ सहभागी असल्याने १२ गटांतील अव्वल दोन संघ थेट बाद फेरीत प्रवेश करतील. याशिवाय तिसऱ्या क्रमांकावर राहणाऱ्या सर्वोत्तम आठ संघांनाही Round of 32 मध्ये संधी मिळणार आहे.
Group A: मेक्सिको पात्र; दुसऱ्या स्थानासाठी संघर्ष
मेक्सिकोने सलग दोन विजयांसह सहा गुण मिळवत सर्वप्रथम बाद फेरीत प्रवेश केला आहे. दक्षिण कोरियाला (South Korea) पुढील फेरीत जाण्यासाठी केवळ विजय किंवा बरोबरी पुरेशी ठरेल. चेकिया (Czechia) ला मेक्सिकोविरुद्ध विजय मिळवावा लागेल आणि त्याचवेळी दक्षिण कोरिया पराभूत होण्याची अपेक्षा ठेवावी लागेल. दक्षिण आफ्रिकेला (South Africa) दक्षिण कोरियाविरुद्ध विजयासोबत चेकियाचा पराभवही आवश्यक आहे.
Group B: स्वित्झर्लंड- कॅनडासाठी बरोबरीही फायदेशीर
स्वित्झर्लंड (Switzerland) आणि कॅनडा (Canada) प्रत्येकी चार गुणांसह मजबूत स्थितीत आहेत. दोन्ही संघांमधील सामना बरोबरीत सुटल्यास दोघेही थेट Round of 32 मध्ये पोहोचतील. दुसरीकडे, बोस्निया आणि हर्झेगोविना (Bosnia and Herzegovina) यांना कतारविरुद्ध विजय आवश्यक आहे. बरोबरी झाल्यास त्यांचे भवितव्य इतर निकालांवर अवलंबून राहील.
मियामी : मियामी येथे झालेल्या FIFA World Cup 2026 च्या ग्रुप C मधील अखेरच्या सामन्यात ब्राझीलने (Brazil) स्कॉटलंडचा (Scotland) ३-० अशा फरकाने पराभव करत 'राऊंड ऑफ ३२'मध्ये (Round of 32) ...
Group C: ब्राझील आणि मोरोक्को आघाडीवर
ब्राझील (Brazil) आणि मोरोक्को (Morocco) या दोन्ही संघांकडे चार-चार गुण आहेत. दोन्ही संघांनी आपापले सामने जिंकले तर गोलफरक (Goal Difference) गटविजेता ठरवेल. स्कॉटलंडने (Scotland) ब्राझीलला हरवले आणि मोरोक्कोने गुण गमावले तर स्कॉटलंड गटात अव्वल स्थानही मिळवू शकतो. मात्र पराभव किंवा बरोबरी झाल्यास त्यांना तिसऱ्या स्थानावर समाधान मानावे लागू शकते.
Group D: अमेरिकेनंतर दुसऱ्या स्थानासाठी ऑस्ट्रेलिया-पराग्वेची लढत
अमेरिकेने (USA) आधीच गटविजेता म्हणून पुढील फेरी गाठली आहे. तुर्किये (Türkiye) स्पर्धेबाहेर पडला आहे. ऑस्ट्रेलिया (Australia) आणि पराग्वे (Paraguay) यांच्यातील विजेता थेट दुसऱ्या स्थानावर पोहोचेल. सामना बरोबरीत राहिल्यास गोलफरकाच्या जोरावर ऑस्ट्रेलिया पुढे जाईल. पराग्वेला तिसऱ्या क्रमांकावरील सर्वोत्तम संघांमधून संधी मिळू शकते.
व्हेनेझुएला (Venezuela) आणि जपान (Japan) या दोन देशांना बुधवारी (२४ जून) शक्तिशाली भूकंपांचे (Earthquake) धक्के बसले. व्हेनेझुएलामध्ये अवघ्या एका मिनिटाच्या अंतराने ७.२ ...
Group E: जर्मनी पात्र; उर्वरित तीन संघांमध्ये चुरस
जर्मनीने (Germany) आधीच बाद फेरी गाठली आहे. मात्र कुरासाओ (Curacao), आयव्हरी कोस्ट (Ivory Coast) आणि इक्वाडोर (Ecuador) यांच्यातील लढत रोमांचक बनली आहे. कुरासाओने आयव्हरी कोस्टला हरवले आणि जर्मनीने इक्वाडोरचा पराभव केला तर कुरासाओ दुसऱ्या स्थानावर पोहोचू शकतो. आयव्हरी कोस्टला बरोबरीही पुरेशी ठरू शकते. इक्वाडोरला मात्र जर्मनीविरुद्ध विजयासह आयव्हरी कोस्टच्या पराभवाची प्रतीक्षा करावी लागेल.
Group F: नेदरलँड्स-जपान मजबूत स्थितीत
नेदरलँड्स (Netherlands) आणि जपान (Japan) या दोन्ही संघांकडे चार गुण आहेत. त्यांच्या सामन्यांत बरोबरी झाल्यास दोघेही पात्र ठरतील. स्वीडनला (Sweden) जपानविरुद्ध विजय मिळवावा लागेल. बरोबरी झाल्यासही तिसऱ्या स्थानावरील सर्वोत्तम संघांमध्ये स्थान मिळण्याची शक्यता कायम राहील. ट्युनिशिया (Tunisia) आधीच स्पर्धेबाहेर गेला आहे.
Group G: इजिप्त आघाडीवर, बेल्जियम आणि इराणची आशा कायम
इजिप्तला (Egypt) इराणविरुद्ध बरोबरी मिळाली तरी पात्रता निश्चित होईल. मात्र पराभव झाल्यास बेल्जियम (Belgium) विजय मिळवल्यास इजिप्त तिसऱ्या स्थानावर घसरू शकतो. इराणला (Iran) विजय आवश्यक आहे. बेल्जियम आणि इराण दोघेही जिंकले तर गोलफरक निर्णायक ठरेल. न्यूझीलंडला (New Zealand) बेल्जियमचा पराभव करून इतर निकालांची मदत लागणार आहे.
Group H: स्पेनला मोठा फायदा
सौदी अरेबियाविरुद्धच्या मोठ्या विजयामुळे स्पेन (Spain) मजबूत स्थितीत आहे. उरुग्वेला (Uruguay) स्पेनविरुद्ध विजय किंवा बरोबरी आवश्यक आहे. केप व्हर्डे (Cape Verde) ला सौदी अरेबियाविरुद्ध विजय मिळाल्यास त्यांचेही समीकरण जुळू शकते. सौदी अरेबियाला (Saudi Arabia) मात्र विजयासोबत स्पेनच्या मदतीचीही गरज आहे.
Group I: फ्रान्स आणि नॉर्वे आधीच पात्र
फ्रान्स (France) आणि नॉर्वे (Norway) यांनी Round of 32 मधील स्थान निश्चित केले आहे. आता दोन्ही संघांतील सामना गटविजेता ठरवेल. सेनेगल (Senegal) आणि इराक (Iraq) यांच्यातील विजेता तिसऱ्या स्थानावर राहील.
वेलिंग्टन : न्यूझीलंडचे माजी वेगवान गोलंदाज बॉब ब्लेअर (Bob Blair) यांचे त्यांच्या ९४ व्या वाढदिवशी निधन झाले आहे. त्यांच्या आयुष्यातील एका दुर्दैवी रेल्वे ...
Group J: अर्जेंटिना सुरक्षित, ऑस्ट्रिया-अल्जेरियामध्ये थेट लढत
अर्जेंटिनाने (Argentina) आधीच पात्रता मिळवली आहे. अल्जेरिया (Algeria) आणि ऑस्ट्रिया (Austria) यांच्यातील विजेता थेट पुढील फेरीत जाईल. सामना बरोबरीत राहिल्यास चांगल्या गोलफरकामुळे ऑस्ट्रियाला फायदा होईल. जॉर्डन (Jordan) स्पर्धेतून बाहेर पडला आहे.
Group K: पोर्तुगालचे अव्वल स्थान धोक्यात
पोर्तुगालला (Portugal) गटविजेता होण्यासाठी विजय आवश्यक आहे. बरोबरी झाल्यास कोलंबिया (Colombia) सात गुणांसह अव्वल राहील. पराभव झाल्यासही पोर्तुगालच्या पात्रतेला मोठा धोका नाही. अगदी तिसऱ्या स्थानावर घसरले तरी सर्वोत्तम तिसऱ्या क्रमांकाच्या संघांमध्ये त्यांचा समावेश होण्याची शक्यता आहे. डीआर काँगोला (DR Congo) स्पर्धेत टिकून राहण्यासाठी विजय आवश्यक आहे.
Group L: इंग्लंड आणि घानाचे समीकरण सोपे
इंग्लंड (England) आणि घाना (Ghana) यांना Round of 32 मध्ये प्रवेशासाठी फक्त एका गुणाची गरज आहे. बरोबरी झाल्यास दोघेही सुरक्षित होतील. क्रोएशियाला (Croatia) घानाविरुद्ध विजय मिळवून दुसरे स्थान पटकवण्याची संधी आहे. पराभव किंवा बरोबरी झाल्यास त्यांना तिसऱ्या स्थानावर समाधान मानावे लागेल. पनामा (Panama) आधीच स्पर्धेबाहेर पडला आहे.
४८ संघांच्या विश्वचषकात उत्कंठा शिगेला
यंदाच्या विस्तारित FIFA World Cup 2026 मध्ये प्रथमच ४८ संघ सहभागी झाले आहेत. त्यामुळे केवळ अव्वल दोनच नव्हे तर सर्वोत्तम तिसऱ्या क्रमांकाच्या संघांनाही संधी असल्याने अखेरच्या साखळी सामन्यांमध्ये प्रचंड रोमांच निर्माण झाला आहे. पुढील काही दिवसांत कोणते संघ Round of 32 मध्ये धडक मारतात आणि कोणाचे आव्हान संपते, याकडे जगभरातील फुटबॉलप्रेमींचे लक्ष लागले आहे.
