- महापालिकेच्यावतीने सहा मजली इमारत संस्थेला भाडेतत्वावर देणार
मुंबई (विशेष प्रतिनिधी) : देवनारमधील तळ अधिक सहा मजला इमारतीची जागा आता टाटा इंडियन इंस्टिट्यूट ऑफ स्किल (Tata Institute in Deonar) या संस्थेला भाडेतत्वावर दिली जाणार आहे. या संस्थेला पाच रुग्ण चौरस फुट दराने ही जागा अकरा महिन्याच्या कालावधीसाठी २० वर्षांकरता भाडेकरारावर दिली जाणार आहे. यामाध्यमातून देवनारध्ये टाटा संस्थेच्या माध्यमातून कौशल्य विकासाचे धडे दिले जाणार आहे. यामध्ये ए.आय.सह रोबोटिक वेल्डींग, व्यावसायिक प्रशिक्षण दिले जाणार आहे. (Tata Institute in Deonar)
देवनार येथील तळमजला अधिक ६ मजल्याची इमारत ज्यांचे एकूण क्षेत्रफळ १६३.१२ चौ.मी असे असून याची बांधीव सुविधा ही कौशल्य विकास केंद्राकरीता आरक्षित असलेल्या जमिनीवर उपलब्ध झाली आहे. ही बांधिव इमारत येथील जय मातादी हौसिंगमार्फत आरक्षित सुविधांतर्गत महानगरपालिकेला हस्तांतरीत करण्यात आलेला आहे. ही बांधीव इमारत एम पूर्व विभागाचे सहाय्यक आयुक्त यांनी महापालिका संचालक नियोजन यांना हस्तांतरीत झाला आहे. ही इमारत ही कौशल्य विकास प्रशिक्षणासाठी वापर होण्याकरिता आरक्षित आहे. याठिकाणी अणशक्ति नगर आणि आसपासच्या परिसरातील युवकांसाठी प्रशिक्षण व उपजिवीकेच्या संधी होण्याच्या दृष्टीने कौशल्य विकास प्रशिक्षण केंद्र सुरु करण्यासाठी मागणी करण्यात येत आहे. (Tata Institute in Deonar)
- यासाठी कृती आराखडा तयार करण्याचे आमदार अमित साटम यांची मागणी मुंबई (विशेष प्रतिनिधी) : शहरातील पाणीटंचाईच्या पार्श्वभूमीवर मुंबई भाजप अध्यक्ष तथा ...
त्यामुळे इमारतीच्या जागेत टाटा इंडियन इंस्टिटयूट ऑफ स्किल या संस्थेमार्फत कौशल्य विकास प्रशिक्षण केंद्र विद्यार्थ्यांच्या निवासासह सुरु करण्यास देण्याचा निर्णय घेण्यात आला आहे. ही जागा किमान भाडे तत्वावर प्रति चौ. फुट दरमहा ५ रुपये या दराने अटी व शर्तीसापेक्ष जागा प्रथमतः ११ महिन्यांसाठी आणि त्यापूढे प्रत्येक ११ महिन्यांनी इतर कोणतीही प्रक्रिया न करता असे २० वेळा नूतनीकरण करण्यासापेक्ष भाडयाने देण्याचा निर्णय घेतला आहे. (Tata Institute in Deonar)
- दोन वर्षांसाठी तब्बल १४२ कोटी रुपयांचा केला जाणार खर्च मुंबई (विशेष प्रतिनिधी) : मुंबईतील अनेक सखल भागांमध्ये पाणी साचण्याचे प्रकार घडत असून या ...
टाटा इंडियन इंस्टिट्यूट ऑफ स्किल या संस्थेमार्फत कौशल्य विकास प्रशिक्षण केंद्राद्वारे फॅक्टरी ऑटोमेशन, ऍडेक्टीव्ह मॅन्युफॅक्चरींग, मेकॅट्रोनिक्स, रोबोटिक्स, ए.आय., रोबोटिक वेल्डींग, इलेक्ट्रिक मोबीलीटी इत्यादी क्षेत्रामध्ये व्यावसायिक प्रशिक्षण अभ्यासक्रम उपलब्ध करून देण्यात येणार आहेत. हे प्रशिक्षण पूर्ण झाल्यानंतर विविध क्षेत्रातील खाजगी कंपन्यांमध्ये प्रशिक्षणार्थीना नोकरीची संधी उपलब्ध करून देण्यात येणार आहे. (Tata Institute in Deonar)
