मुंबई : 'राजा शिवाजी' OTT Release: थिएटरमध्ये (Theatre) विक्रमी यश मिळवल्यानंतर आता 'राजा शिवाजी' हा बहुचर्चित मराठी चित्रपट (Movie) ओटीटी (OTT) प्लॅटफॉर्मवर (Platform) प्रेक्षकांच्या भेटीला येणार आहे. सिनेमाच्या डिजिटल (Digital) रिलीजबाबत महत्त्वाची माहिती समोर आली असून, घरबसल्या हा भव्य ऐतिहासिक चित्रपट पाहण्याची संधी चाहत्यांना मिळणार आहे.
रितेश देशमुख दिग्दर्शित 'राजा शिवाजी' हा चित्रपट १ मे २०२६ रोजी प्रदर्शित (Release) झाला होता. प्रदर्शनानंतर चित्रपटाला प्रेक्षकांसह समीक्षकांचाही (Critics) भरघोस प्रतिसाद मिळाला. पहिल्याच आठवड्यात ५० कोटी रुपयांची कमाई करणाऱ्या या चित्रपटाने पुढे बॉक्स ऑफिसवर (Box Office) तब्बल १३० कोटी रुपयांचा गल्ला जमवत सर्वाधिक कमाई करणाऱ्या मराठी चित्रपटाचा मान मिळवला.
मुंबई : महाराष्ट्र विधिमंडळाच्या पावसाळी अधिवेशनाचा आज दुसरा दिवस असून, विधान परिषदेत उरण येथील 'भारत मुंबई कंटेनर टर्मिनल'ला जोडणाऱ्या ...
या चित्रपटाचे दिग्दर्शन (Direction) रितेश देशमुख यांनी केले असून त्यांनीच छत्रपती शिवाजी महाराजांची भूमिका साकारली आहे. ऐतिहासिक भव्यता, दमदार संवाद (Dialogues), उत्कृष्ट तांत्रिक मांडणी (Technical Presentation) आणि प्रभावी कलाकारांच्या अभिनयामुळे चित्रपटाने प्रेक्षकांची मनं जिंकली.
'राजा शिवाजी' मध्ये संजय दत्त, जेनेलिया देशमुख, महेश मांजरेकर, अभिषेक बच्चन, विद्या बालन, अमोल गुप्ते आणि भाग्यश्री यांसारखे दिग्गज कलाकार महत्त्वाच्या भूमिकांमध्ये झळकले आहेत. तसेच बॉलिवूड सुपरस्टार सलमान खान यांची विशेष झलक (Cameo) देखील चित्रपटात पाहायला मिळते.
Nashik : नाशिकमध्ये भीषण अपघाताची घटना समोर आली आहे. मुंबई-आग्रा महामार्गावरील (Mumbai-Aagra Highway) अपघातप्रवण समजल्या जाणाऱ्या बळी मंदिर परिसरात सोमवारी ...
दरम्यान, मिळालेल्या माहितीनुसार 'राजा शिवाजी' हा चित्रपट २६ जून २०२६ पासून नेटफ्लिक्स (Netflix) या ओटीटी प्लॅटफॉर्मवर स्ट्रीम (Stream) होणार आहे. मात्र, याबाबत नेटफ्लिक्स किंवा रितेश देशमुख यांनी अद्याप अधिकृत घोषणा (Official Announcement) केलेली नाही. त्यामुळे चाहत्यांना अधिकृत पुष्टीची प्रतीक्षा आहे. थिएटरनंतर आता ओटीटीवरही 'राजा शिवाजी'ची शिवगर्जना किती प्रभावी ठरते, याकडे मराठी चित्रपटसृष्टीसह प्रेक्षकांचे लक्ष लागले आहे.
