दिंडोरी : वणी येथे लग्नाचा मंडप काढण्यासाठी गेलेल्या मंडप व्यावसायिकाचा विजेच्या धक्क्याने दुर्दैवी मृत्यू झाला. मंडपाचा लोखंडी पाईप काढताना तो पाईप वरून गेलेल्या विजेच्या तारांच्या संपर्कात आल्याने ही घटना घडली.
नेमकं काय घडलं ?
वणी येथील कृपा हॉस्पिटल परिसरात राहणारे नंदलाल गावित यांच्या मुलाच्या लग्नाचा कार्यक्रम दि. १८ रोजी पार पडला होता. यासाठी त्यांच्या घरासमोर मंडप उभारण्यात आला होता. हा मंडप काढण्यासाठी शिवरे येथील मंडप व्यावसायिक ऋषीकेश तुकाराम मत्सागर (वय २७, रा. शिवरे) हे दि. २० रोजी सायंकाळी सहाच्या सुमारास गावित यांच्या घरासमोर गेले होते.
कोलकाता : पश्चिम बंगालच्या अर्थव्यवस्थेला नवी गती देणारा आणि विविध घटकांना दिलासा देणारा राज्याचा अर्थसंकल्प सोमवारी, २२ जून २०२६ रोजी विधानसभेत ...
मंडप काढत असताना लोखंडी पाईप काढण्याच्या वेळी तो पाईप वरून गेलेल्या विजेच्या तारांच्या संपर्कात आला. त्यामुळे ऋषीकेश यांना जोरदार विजेचा धक्का बसून ते जमिनीवर कोसळले. परिसरातील नागरिकांनी तत्काळ धाव घेत त्यांना सीपीआर देण्याचा प्रयत्न केला. त्यानंतर त्यांना तातडीने खासगी रुग्णालयात दाखल करण्यात आले; मात्र डॉक्टरांनी त्यांना मृत घोषित केले. यानंतर मृतदेह वणी ग्रामीण रुग्णालयात आणण्यात आला. रात्री उशिरा शवविच्छेदन करून मृतदेह नातेवाईकांच्या ताब्यात देण्यात आला.
लखनौ (उत्तर प्रदेश) : उत्तर प्रदेशची राजधानी लखनौमध्ये एका कोचिंग सेंटरला लागलेल्या भीषण आगीने मोठी खळबळ उडवून दिली आहे. आगीने काही मिनिटांतच विक्राळ ...
ऋषीकेश मत्सागर हे गेल्या पाच-सहा वर्षांपासून मंडप व्यवसाय करत होते. 'माऊली मंडप डेकोरेटर्स' या नावाने ते परिसरात परिचित होते. पाच वर्षांपूर्वी कोरोना काळात त्यांच्या वडिलांचे निधन झाले होते. त्यांच्या पश्चात एक बहीण व लहान भाऊ असून संपूर्ण कुटुंबाची जबाबदारी ऋषीकेश यांच्यावर होती. कुटुंबातील कर्त्या व्यक्तीच्या अकाली निधनाने परिसरातून हळहळ व्यक्त करण्यात येत आहे. या अपघाताची नोंद करण्याचे काम रात्री उशिरापर्यंत वणी पोलिस ठाण्यात सुरू होते.