मुंबई: राज्यात एका बाजूला उबाठा गटातील ६ खासदारांच्या बंडखोरीमुळे राजकीय वातावरण तापलेले असतानाच, आता पक्षात अंतर्गत वादाची ठिणगी पडली आहे. उबाठा गटाचे आमदार भास्कर जाधव आणि उद्धव ठाकरे यांचे अत्यंत विश्वासू व खंदे शिलेदार मिलिंद नार्वेकर यांच्यात सुरू झालेली शाब्दिक चकमक सध्या चर्चेचा विषय ठरली आहे.
मुंबई : भारतीय क्रिकेटमधील युवा स्टार यशस्वी जयस्वाल (Yashasvi Jaiswal) पुन्हा एकदा चर्चेचा विषय ठरला आहे. यावेळी त्याच्या दमदार फलंदाजीमुळे नव्हे, तर ...
वादाची सुरुवात: 'नार्वेकर कोण लागून गेला?'
१९ जून रोजी षण्मुखानंद सभागृहात उबाठा गटाचा वर्धापन दिन सोहळा पार पडला. या कार्यक्रमादरम्यान भास्कर जाधव यांनी रागाच्या भरात "नार्वेकर कोण लागून गेला?" असे विधान केले. या विधानाने पक्षात खळबळ उडाली. यावर मिलिंद नार्वेकर यांनी 'एक्स' (ट्विटर) वर मुख्यमंत्री देवेंद्र फडणवीस यांना टॅग करत खोचक पलटवार केला. नार्वेकर म्हणाले, "मुख्यमंत्री देवेंद्र फडणवीस, उद्धवजींच्या पत्राची लवकरात लवकर अंमलबजावणी करा. कारण यांच्या मानसिक त्रासाचा आणि चिडचिडीचा फटका माझ्यासारख्या सामान्य शिवसैनिकांना विनाकारण बसत आहे."
लंडन : जागतिक कसोटी अजिंक्यपद स्पर्धेच्या (WTC) अंतिम फेरीत पहिल्यांदाच स्थान मिळवण्याचे इंग्लंडचे स्वप्न मोठ्या संकटात सापडले आहे. न्यूझीलंडविरुद्ध ...
भास्कर जाधवांचे स्पष्टीकरण आणि टोलेबाजी
या वादावर सोमवारी प्रसारमाध्यमांशी बोलताना भास्कर जाधव यांनी आपली भूमिका मांडली:
गैरसमजाचा खुलासा: जाधव म्हणाले, "मिलिंद नार्वेकर माझे जवळचे मित्र आहेत. वर्धापन दिनी गर्दी असताना पाठीमागून एका गाडीचा कर्कश हॉर्न वाजत होता. ती गाडी कोणाची विचारल्यावर 'नार्वेकरांची' असे सांगण्यात आले. राहुल नार्वेकरांच्या कार्यपद्धतीमुळे मी आधीच संतापलो होतो, त्यामुळे 'नार्वेकर असले म्हणून काय झाले?' असे माझ्या तोंडून निघून गेले. मिलिंद नार्वेकर इतके 'हळवे' असतील असे वाटले नव्हते, मी त्यांना खूप कणखर समजतो."
व्हँकूवर, ब्रिटिश कोलंबिया : फिफा विश्वचषक २०२६ मध्ये इजिप्तच्या संघाने नवा इतिहास रचला आहे. रविवारी रात्री बीसी प्लेस स्टेडियमवर खेळल्या गेलेल्या ...
'विरोधी पक्षनेते' पदावरून उपरोधिक टोला
भास्कर जाधव यांनी मिलिंद नार्वेकरांच्या सर्वपक्षीय संबंधांवरून त्यांना चांगलेच सुनावले:
"नार्वेकर यांचे सर्वच राजकीय पक्षांत उत्तम संबंध आहेत, हे जगाला माहीत आहे. त्यांनी मुख्यमंत्र्यांना उद्देशून जे ट्विट केले आहे, त्याचा वापर करून ते मला 'विरोधी पक्षनेते' करण्यासाठी मुख्यमंत्र्यांकडे शब्द टाकणार असतील, तर मला खूप आनंद होईल."
पुढे ते म्हणाले, "मला विरोधी पक्षनेतेपद अद्याप मिळाले नाही, यावरून माझ्यापेक्षा मिलिंद नार्वेकर यांनाच जास्त मानसिक त्रास होतोय, हे पाहून समाधान वाटले. आता त्यांनी मुख्यमंत्र्यांना सांगितलेच आहे, तर लवकरच मी विरोधी पक्षनेता होईन अशी मला अपेक्षा आहे," अशा तिरकस शब्दांत त्यांनी आपली नाराजी आणि उपरोधिक टोला व्यक्त केला.