श्रद्धा कपूरचा (Shraddha Kapoor) आगामी 'ईठा' (Etha) चित्रपट (Movie) सध्या चर्चेत आला आहे. या चित्रपटाचा पहिला टीझर (Teaser) चित्रपटगृहांमध्ये प्रदर्शित करण्यात आला असून त्यामध्ये श्रद्धाचा नवा आणि दमदार अंदाज पाहायला मिळत आहे. प्रसिद्ध लावणी आणि तमाशा कलाकार विठ्ठाबाई नारायणगावकर (Vitthabai Narayangaonkar) यांच्या जीवनावर आधारित या चित्रपटात श्रद्धा मुख्य भूमिका साकारत आहे. (Bollywood News)
दिग्दर्शक लक्ष्मण उतेकर यांच्या दिग्दर्शनाखाली तयार होत असलेल्या या चित्रपटात विठ्ठाबाई यांच्या आयुष्यातील संघर्ष, यश आणि कला क्षेत्रातील प्रवास दाखवण्यात येणार आहे. १९४० ते १९९० या काळातील त्यांचे जीवनपट या चित्रपटातून प्रेक्षकांसमोर येणार आहे.
Gold Silver Rate Today : गेल्या काही दिवसांपासून सोने आणि चांदीच्या दरात मोठे चढ उतार पहायला मिळत आहे. अशातच सोने खरेदी करून इच्छिणाऱ्यांसाठी आनंदाची बातमी आहे. ...
टीझरमध्ये श्रद्धा कपूर लावणी कलाकाराच्या भूमिकेत दिसत असून तिचा लूक आणि अभिनय प्रेक्षकांचे लक्ष वेधून घेत आहे. टीझरमधील एका महत्त्वाच्या प्रसंगात विठ्ठाबाई रंगमंचावर कार्यक्रम सादर करत असताना त्यांना प्रसूती वेदना सुरू होतात. मात्र कार्यक्रम अर्धवट न सोडता त्या धैर्याने परिस्थितीचा सामना करतात आणि पुन्हा रंगमंचावर परततात. हा प्रसंग टीझरमधील सर्वात प्रभावी भाग ठरत आहे.
टीझरची झलक सोशल मीडियावर व्हायरल होताच चाहत्यांनी श्रद्धा कपूरच्या अभिनयाचे भरभरून कौतुक केले आहे. अनेकांनी तिच्या कारकिर्दीतील हा सर्वात वेगळा आणि आव्हानात्मक रोल असल्याचे म्हटले आहे. श्रद्धाचा पारंपरिक मराठमोळा अंदाज आणि लावणी सादरीकरणाची शैली प्रेक्षकांना विशेष आवडल्याचे दिसून येत आहे.
या चित्रपटात श्रद्धा कपूरसोबत रणदीप हुडा आणि मोहम्मद झीशान अय्युब हे कलाकारही महत्त्वाच्या भूमिकांमध्ये दिसणार आहेत. ऐतिहासिक आणि प्रेरणादायी कथा असलेला 'इथा' हा चित्रपट 28 ऑगस्ट 2026 रोजी प्रेक्षकांच्या भेटीला येणार आहे.
#Eatha teaser in the theatre with #cocktail2, #ShraddhaKapoor once again proves her screen presence is unmatched pic.twitter.com/3kzN2OKB1p
— Screen & State (@screen_state) June 19, 2026
Nashik Simhastha Kumbh Mela : आगामी सिंहस्थ कुंभमेळ्याच्या पार्शवभूमीवर नाशिकमध्ये विकासकामांचा धडाका सुरु आहे. सिंहस्थ कुंभमेळा आणि 'राम काल पथ' विकास ...
मराठी संस्कृती आणि लावणी परंपरेचा गौरव करणारा हा चित्रपट बॉक्स ऑफिसवर कशी कामगिरी करतो याकडे आता सर्वांचे लक्ष लागले आहे.