नवी दिल्ली : डिजिटल पेमेंटचा वापर झपाट्याने वाढत असताना PhonePe ने आपल्या वॉलेट वापरकर्त्यांसाठी एक महत्त्वाचा नियम लागू केला आहे. बराच काळ वापरात नसलेल्या वॉलेटवर आता ‘वॉलेट इनॲक्टिव्हिटी मेंटेनन्स फी’ आकारली जाणार आहे. त्यामुळे निष्क्रिय वॉलेटधारकांच्या खिशाला फटका बसण्याची शक्यता आहे.
वॉलेट वापरकर्त्यांसाठी एक महत्त्वाचा नियम लागू
PhonePe च्या नव्या नियमानुसार, एखाद्या वॉलेटमधून सलग 365 दिवस कोणताही थेट आर्थिक व्यवहार झाला नाही, तर ते वॉलेट निष्क्रिय मानले जाईल. केवळ ॲप उघडणे, बॅलन्स तपासणे किंवा UPI व्यवहार करणे याला वॉलेट सक्रियता मानले जाणार नाही. वॉलेटमधील शिल्लक वापरून पेमेंट करणे किंवा पैसे पाठवणे आवश्यक असेल.
Gold Silver Rate Today : गेल्या काही दिवसांपासून सोने आणि चांदीच्या दरात मोठे चढ उतार पहायला मिळत आहे. अशातच सोने खरेदी करून इच्छिणाऱ्यांसाठी आनंदाची बातमी आहे. ...
अशा निष्क्रिय वॉलेटसाठी कंपनी दर तीन महिन्यांनी जीएसटीसह 100 रुपयांची ‘वॉलेट इनॲक्टिव्हिटी मेंटेनन्स फी’ आकारणार आहे. वॉलेटमध्ये 100 रुपये किंवा त्याहून अधिक शिल्लक असल्यास ही रक्कम थेट वजा केली जाईल. शिल्लक 100 रुपयांपेक्षा कमी असल्यास उपलब्ध रक्कमच कापली जाईल. मात्र वॉलेटमध्ये नकारात्मक शिल्लक निर्माण होणार नाही.
कंपनीकडून कोणतेही शुल्क वजा करण्यापूर्वी वापरकर्त्यांना नोटिफिकेशन किंवा संदेशाद्वारे आगाऊ सूचना दिली जाणार आहे. सूचना मिळाल्यानंतरही वॉलेटचा वापर न झाल्यास देखभाल शुल्क आकारले जाईल.
हे शुल्क टाळण्यासाठी वर्षातून किमान एकदा वॉलेटमधील शिल्लक वापरून छोटासा व्यवहार करणे पुरेसे ठरेल. तज्ज्ञांच्या मते, डिजिटल वॉलेट नियमितपणे तपासणे आणि आवश्यकतेनुसार त्यातील शिल्लक वापरणे ही चांगली सवय आहे. त्यामुळे अनावश्यक शुल्क टाळता येईल आणि वॉलेटही सक्रिय राहील.