Nashik : नाशिक जिल्ह्याला जणू लाचखोरीच्या ग्रहण लागले आहे. जिल्ह्यातील शासकीय कार्यालयांमधील लाचखोरीचे प्रकार थांबण्याचे नाव घेत नाहीये. अशातच लाचलुचपत प्रतिबंधक विभागाने (एसीबी) आणखी एक मोठी कारवाई केली आहे. येवला येथील सहायक निबंधक, सहकारी संस्था कार्यालयातील मुख्य लिपिक सुधीर वाघ याला ५ हजार रुपयांची लाच स्वीकारताना रंगेहात पकडण्यात आले.
मुंबई : उबाठा गटात झालेल्या बंडानंतर संपूर्ण महाराष्ट्राचे लक्ष लागून राहिलेले धाराशिवचे खासदार ओमराजे निंबाळकर (Omraje Nimbalkar) यांनी अखेर आपले मौन सोडले ...
नेमकं प्रकरण काय ?
मिळालेल्या माहितीनुसार, तक्रारदाराला सावकारी परवान्याचे नूतनीकरण करायचे होते. हे काम करून देण्यासाठी मुख्य लिपिक सुधीर वाघ याने यापूर्वी तब्बल ६० हजार रुपये घेतले होते. मात्र त्यानंतरही त्याने आणखी ७ हजार रुपयांची मागणी केली. तडजोडीनंतर ५ हजार रुपये स्वीकारण्याचे ठरले. पुन्हा पैसे देण्याची इच्छा नसल्याने तक्रारदाराने एसीबीकडे धाव घेतली.
तक्रारीची पडताळणी केल्यानंतर एसीबीच्या पथकाने येवला तहसील कार्यालयाच्या आवारात सापळा रचला. ठरल्याप्रमाणे तक्रारदाराकडून लाचेची रक्कम स्वीकारताच सुधीर वाघ याला रंगेहात पकडण्यात आले. पोलीस उपअधीक्षक स्वाती पवार यांच्या मार्गदर्शनाखाली शरद हेंबाडे, युवराज खांडवी आणि चालक समीर शेख यांच्या पथकाने ही कारवाई यशस्वी केली. विशेष म्हणजे, ज्या दिवशी नाशिक विधान परिषद निवडणुकीसाठी मतदान प्रक्रिया सुरू होती, त्याच दिवशी तहसील कार्यालयाच्या आवारात ही धडक कारवाई करण्यात आली.
Nashik Crime : नाशिकमध्ये घडलेल्या एका धक्कादायक घटनेनं सर्वानाच हादरा बसला आहे. नव्या संसाराची स्वप्ने डोळ्यांत साठवून सासरी गेलेल्या २२ वर्षीय विवाहितेने ...
दरम्यान, काही दिवसांपूर्वीच नाशिकमध्ये स्वतःला एसीबी अधिकारी म्हणून सादर करणाऱ्या एका तोतया अधिकाऱ्यालाही सातपूर पोलिसांनी अटक केली होती. उद्योग भवन परिसरात 'ॲंटी करप्शन'ची पाटी लावलेल्या मोटारीत फिरणाऱ्या सचिन ठोके याच्याकडे बनावट ओळखपत्र आढळून आले होते. त्याचा साथीदार रवींद्र द्विवेदी अद्याप फरार असून त्याचा शोध सुरू आहे.
एका बाजूला एसीबीचे नाव वापरून फसवणूक करणारे तोतये सक्रिय आहेत, तर दुसऱ्या बाजूला एसीबीचे अधिकारी लाचखोरांविरोधात कठोर कारवाई करत असल्याचे या घटनांमधून पुन्हा अधोरेखित झाले आहे.