नागपूर : नागपुरात (Nagpur) एका २४ वर्षीय महिलेने तिच्या जुन्या वर्गमित्रासह तिघांविरुद्ध बलात्कार (Rape), ब्लॅकमेल (Blackmail), खंडणी (Extortion) आणि सक्तीने धर्मांतर करण्याचा प्रयत्न (Attempted forced conversion) केल्याचा गंभीर आरोप केल्याने खळबळ उडाली आहे. या प्रकरणी सोनेगाव पोलिसांनी दोन आरोपींना अटक (Arrest) केली असून मुख्य आरोपीचा शोध सुरू आहे. (Crime News)
अटक करण्यात आलेल्या आरोपींची नावे अय्याज ताज मडारे (वय २६) आणि अमीन शेख (वय ३०) अशी आहेत. तर मध्य प्रदेशातील तामिया येथील रहिवासी असलेल्या हजरत मौलाना याचा पोलीस शोध घेत आहेत.
पोलिसांनी दिलेल्या माहितीनुसार, पीडित महिला प्रॉपर्टी डीलिंगचे काम करते, तर तिचे पती भारतीय हवाई दलात अधिकारी आहेत. फेब्रुवारी २०२५ मध्ये आरोपी अय्याज मडारे याने प्लॉट खरेदी करण्याच्या बहाण्याने तिच्याशी संपर्क साधला. त्यानंतर वर्धा रोडवरील एका हॉटेलमध्ये बोलावून शीतपेयातून गुंगीचे औषध दिल्याचा आणि तिच्यावर लैंगिक अत्याचार करून त्याचे फोटो व व्हिडिओ चित्रीत केल्याचा आरोप तक्रारीत करण्यात आला आहे.
पंतप्रधान नरेंद्र मोदी (PM Narendra Modi) जी-७ शिखर परिषदेत (G-7 Summit) सहभागी होण्यासाठी मंगळवारी फ्रान्समधील एव्हियन (Evian) येथे दाखल होणार आहेत. त्यांच्या दोन ...
पीडितेच्या म्हणण्यानुसार, आरोपीने या व्हिडिओंच्या आधारे तिला वारंवार ब्लॅकमेल केले. तसेच तिच्याकडून सुमारे ३.०९ लाख रुपये उकळल्याचा आरोपही करण्यात आला आहे.
तक्रारीनुसार, आरोपी महिलेवर धर्मांतरासाठी सतत दबाव टाकत होता. ३१ मे रोजी तिला कळमेश्वर परिसरातील एका निर्जन स्थळी नेण्यात आले. तेथे अमीन शेख आणि हजरत मौलाना यांची ओळख करून देत काही धार्मिक विधी करण्यात आले. या विधींनंतर तिचे धर्मांतर झाल्याचा दावा करण्यात आला, असा आरोप महिलेने केला आहे.
दरम्यान, या घटनेशी संबंधित असल्याचा दावा करण्यात येत असलेला एक व्हिडिओ सोशल मीडियावर व्हायरल झाला असून त्यामध्ये एक महिला मदतीसाठी ओरडताना दिसत असल्याचे सांगितले जात आहे. मात्र, या व्हिडिओची सत्यता आणि त्याचा प्रकरणाशी संबंध याबाबत अधिकृत दुजोरा अद्याप मिळालेला नाही.
- कमी लोकसंख्येच्या ठिकाणी चार तालुक्यांना एकत्र सेवा मुंबई : राज्यातील वाढती वाहनसंख्या आणि नागरिकांची गरज लक्षात घेऊन परिवहन व्यवस्थेचे ...
पीडितेचे पती कर्तव्यावरून घरी परतल्यानंतर तिने संपूर्ण प्रकाराची माहिती दिली. त्यानंतर दोघांनी सोनेगाव पोलीस ठाण्यात तक्रार दाखल केली. पोलिसांनी बलात्कार, खंडणी, सक्तीने धर्मांतर करण्याचा प्रयत्न तसेच महाराष्ट्र नरबळी आणि इतर अमानुष, अनिष्ट व अघोरी प्रथा व जादूटोणा प्रतिबंधक कायद्यांतर्गत गुन्हा नोंदवला आहे.
अटक करण्यात आलेल्या दोन्ही आरोपींना न्यायालयाने पाच दिवसांची पोलीस कोठडी सुनावली असून या प्रकरणाचा पुढील तपास सुरू आहे. पोलिसांकडून तक्रारीतील सर्व आरोपांची सखोल चौकशी करण्यात येत आहे.