Nashik Simhastha Kumbh Mela 2027 : पुढील वर्षी नाशिक त्र्यंबकेश्वरमध्ये होणाऱ्या सिंहस्थ कुंभमेळ्याच्या पूर्वतयारीच्या दृष्टीने राज्य सरकारने एक अत्यंत महत्त्वाचा प्रशासकीय निर्णय घेतला आहे. या जागतिक दर्जाच्या धार्मिक आणि सांस्कृतिक सोहळ्याचे आयोजन अधिक नियोजनबद्ध, सुरक्षित आणि यशस्वी व्हावे यासाठी कुंभमेळा 'समन्वयक' म्हणून रामेश्वर नाईक यांची नियुक्ती करण्यात आली आहे. मुख्यमंत्री कार्यालयाचे प्रधान सचिव डॉ. श्रीकर परदेशी यांच्या स्वाक्षरीने नाईक यांच्या नियुक्तीचा आदेश जारी करण्यात आला असून, या नव्या नियुक्तीमुळे कुंभमेळ्याच्या प्रशासकीय आणि नियोजनाच्या हालचालींना आता मोठ्या प्रमाणावर वेग येण्याची चिन्हे आहेत.
Ashok Kharat : नाशिकमधील अशोक खरात हा राज्यात काय तर देशात चर्चेत आहे. अशोक खरात सध्या कोठडीत असून त्याची चौकशी सुरु आहे. पण अशोक खरातही बाहेरही होता असं ...
सिंहस्थ कुंभमेळा हा जगातील सर्वात मोठ्या मानवी समूहाचा सोहळा मानला जातो. या काळात देशभरातून आणि जगभरातून लाखो-कोटी भाविक, साधू-महंत, नागा साधू आणि विविध आखाड्यांचे प्रमुख नाशिक आणि त्र्यंबकेश्वर नगरीत दाखल होतात. एवढ्या मोठ्या प्रमाणावर होणाऱ्या गर्दीचे व्यवस्थापन करणे हे प्रशासनासाठी मोठे आव्हान असते. या विशाल सोहळ्याचे आयोजन शांततेत आणि यशस्वीपणे पार पाडण्यासाठी विविध आखाड्यांचे व्यवस्थापन, साधू-महंत, कुंभमेळा प्राधिकरण, स्थानिक जिल्हा प्रशासन, पोलीस यंत्रणा आणि राज्य सरकार या सर्व घटकांमध्ये सातत्याने आणि २४ तास समन्वय असणे अत्यंत आवश्यक असते. या सर्व यंत्रणांमध्ये योग्य सुसंवाद राखणे, त्यांच्या अडीअडचणी वेळेत सोडवणे आणि संपूर्ण नियोजनात कुठेही त्रुटी राहू नये म्हणून सुसूत्रता आणण्यासाठीच रामेश्वर नाईक यांच्यावर ही 'समन्वयक' म्हणून विशेष जबाबदारी सोपवण्यात आल्याचे या शासकीय आदेशात प्रामुख्याने नमूद करण्यात आले आहे.
नाशिक : नाशिक विभाग अद्यापही मान्सूनच्या प्रतीक्षेत आहे. अशातच नाशिक विभागासाठी एक चिंताजनक आकडेवारी समोर आली आहे. सध्या पशुधनासाठी अवघा पाच महिने ...
नाशिक-त्र्यंबकेश्वर कुंभमेळा आता अवघ्या काही महिन्यांवर येऊन ठेपल्याने राज्य शासनाकडून पायाभूत सुविधा, रस्ते विकास, पाणीपुरवठा, स्वच्छता आणि आरोग्य व्यवस्थांचा वेगवान आढावा घेतला जात आहे. कुंभमेळा आयोजन काळात कायदा व सुव्यवस्था राखणे, वाहतूक व्यवस्थापन करणे, शाही स्नानाचे नियोजन करणे आणि आखाड्यांच्या जागांचे तसेच सुविधांचे वाटप करणे यावरून अनेकदा प्रशासकीय आणि धार्मिक पातळीवर पेच निर्माण होण्याची शक्यता असते. हे सर्व संभाव्य पेचप्रसंग वेळेत आणि सामोपचाराने निकाली काढण्यासाठी या समन्वयकपदाची भूमिका अत्यंत महत्त्वाची ठरणार आहे.
Nashik : नाशिक शहरात घडलेल्या एका घटनेनं खळबळ उडाली आहे. एका चार्टर्ड अकाउंटंटचे तब्बल १८ लाखांच्या खंडणीसाठी अपहरण करून त्याला रात्रभर डांबून ठेवत ...
प्रधान सचिव डॉ. श्रीकर परदेशी यांनी जारी केलेल्या या आदेशानंतर रामेश्वर नाईक हे लवकरच आपला नवा पदभार स्वीकारणार आहेत. पदभार स्वीकारल्यानंतर ते तातडीने कुंभमेळा प्राधिकरण, नाशिक व त्र्यंबकेश्वरचे स्थानिक प्रशासन आणि प्रमुख आखाड्यांच्या साधू-महंतांसोबत उच्चस्तरीय बैठकांचे सत्र सुरू करणार आहेत. राज्य सरकारच्या विविध विभागांमध्ये आणि आखाड्यांमध्ये समन्वयकाची भूमिका बजावत हा ऐतिहासिक कुंभमेळा यशस्वीपणे पार पाडण्याचे मोठे उद्दिष्ट आता त्यांच्यासमोर असणार आहे.