Crime News : मृतदेहासोबत लग्न करणारी आंचल आता आहे कुठे ?

सक्षम ताटे आणि आंचल मामीडवार यांचं प्रेमप्रकरण आपल्या सर्वांनाच माहिती आहे. प्रेमाचं लग्नात रूपांतर होण्याआधीच सक्षम ताटे याचा मृत्यू झाला. पण दोघांमध्ये प्रेम एवढं घट्ट होतं की चक्क प्रियसी आंचल मामीडवार हिने सक्षम ताटे याच्या मृतदेहासोबत लग्न केलं आणि आयुष्यभर त्याच्याच घरी राहण्याचं वचन दिलं पण आता हे वचन देणारी आंचल मामीडवार अचानक त्याचे घर सोडून गेल्याची घटना समोर आली आहे.

नांदेडची आंचल मामीडवार ही प्रियकर सक्षम ताटे याच्या मृत्यूनंतर ८ महिने त्याच्या घरी राहत होती. हे दोघे गेले ३ तीन वर्ष प्रेमसंबंधात होते. दोघांची जात वेगळी. आंचलच्या घरच्यांना ह्या दोघांचं प्रेम प्रकरण मान्य नव्हतं. त्यामुळे तिचे वडील गजानन मामीडवार आणि तिचे दोन भाऊ हिमेश मामीडवार, साहिल मामीडवार यांनी सक्षमला गोड बोलून चहा प्यायला चल म्हणून नेले आणि तिथेच त्याची हत्या केली. त्याच्यावर गोळ्या झाडण्यात आल्या. तिला दुसऱ्या दिवशी सक्षमच्या हत्येची माहिती मिळाली. त्यानंतर थेट आपल्या कुटुंबियांच्या विरोधात जात आंचल मामीडवार सक्षमच्या घरी पोहोचली.

सक्षमच्या घरी त्याचा मृतदेह पाहून आंचल भावूक झाली तिच्या पायाखालची जमीन सरकली आणि तिथे थेट तिने त्याच्या नावाचे कुंकू भरले. त्याच्या आईला म्हणाली की मी आयुष्यभर तुमचा सांभाळ करेल आणि तुमची काळजी घेऊन याच घरात राहील. मी तुम्हाला कुठेही सोडून जाणार नाही, असे आंचल मामीडवार म्हणताना दिसली. आयुष्यभर तुमची साथ सोडणार नाही म्हणणारी आंचल ही गेल्या साडेतीन महिन्यांपासून एकट्या सासूला सोडून तिच्या घरी गेली.

मिळालेल्या माहितीनुसार सक्षमची आई म्हणाली तिने एकेदिवशी अचानक म्हटले की, माझ्या आजीची तब्येत खराब झाली आहे, मी घरी जाते. त्यानंतर मी स्वत: तिला तिच्या घराजवळ सोडून आले. पण त्यानंतर तिचा काहीच संपर्क झाला नाही. गेल्या साडेतीन महिन्यापासून ती कुठे आहे काहीच माहिती नाही. सक्षमचे घर सोडून ती पुन्हा आपल्या घरच्यांकडे राहिला गेली की अजून कुठे असा प्रश्न उपस्थित केला जात आहे.