सिंधुदुर्ग : सिंधुदुर्ग जिल्ह्यातील कुडाळ येथे पाच वर्षांपूर्वी घडलेल्या संशयास्पद मृत्यूच्या प्रकरणाचा मुंबई क्राइम ब्रांचने (Mumbai Crime Branch) उलगडा केला आहे. मित्राची हत्या (Murder) करून त्याला रस्ता अपघाताचे स्वरूप देण्याचा प्रयत्न केल्याप्रकरणी चार आरोपींना अटक (Arrest) करण्यात आली आहे.
मुंबई क्राइम ब्रांचच्या युनिट-7 (Mumbai Crime Branch Unit-7) चे वरिष्ठ पोलीस निरीक्षक आत्माजी सावंत यांच्या पथकाने या प्रकरणाचा तपास करत धक्कादायक माहिती समोर आणली. पोलिसांनी दिलेल्या माहितीनुसार, अशपाक मुलाणी उर्फ निहाल (रा. माळशिरस, सोलापूर) याची पैशांच्या व्यवहारातून झालेल्या वादातून हत्या करण्यात आली होती. या प्रकरणात सुरेश चंद्रहास सोनावडेकर, मनोज नारायण भंडगे, अतिश भगवान मोरे आणि ऋतुराज शेट्टी यांना अटक (Arrest) करण्यात आली आहे.
सांगली : सांगली (Sangli) शहरातील संजयनगर (Sanjaynagar) परिसरातील एसटी कॉलनी (ST Colony) येथे घडलेल्या थरारक प्रकरणाने संपूर्ण शहर हादरले आहे. चार ते पाच हल्लेखोरांनी घरात ...
तपासादरम्यान समोर आलेल्या माहितीनुसार, आरोपींनी अशपाक मुलाणी याला सिंधुदुर्गातील कुडाळ (Kudal) येथील एका हॉटेलमध्ये (Hotel) बोलावले होते. उशिरा रात्री सर्वांनी मिळून त्याची हत्या केली. त्यानंतर पुरावे नष्ट करण्यासाठी मृतदेह आणि त्याची मोटारसायकल फोंडा घाटातील खोल दरीत फेकून दिली. हा मृत्यू रस्ता अपघातात झाल्याचा आभास निर्माण करण्याचा आरोपींचा प्रयत्न होता.
सुरुवातीला हे प्रकरण अपघाती मृत्यू म्हणून नोंदवण्यात आले होते. मात्र, मुंबई क्राइम ब्रांचला (Mumbai Crime Branch) मिळालेल्या गुप्त माहितीच्या आधारे तपास पुन्हा सुरू करण्यात आला. चौकशीत आरोपींनी गुन्ह्याची कबुली दिल्यानंतर हत्येचा संपूर्ण कट उघडकीस आला. हे प्रकरण सिंधुदुर्गमधील कणकवली पोलीस ठाण्यात नोंदविण्यात आले असून अटक केलेल्या सर्व आरोपींना पुढील कायदेशीर कारवाईसाठी कणकवली पोलिसांच्या ताब्यात देण्यात आले आहे. गुन्हे प्रकटीकरण-1 चे पोलीस उपायुक्त नवनाथ ढवळे यांनी याबाबत माहिती दिली.
