मुंबई : प्रसिद्ध स्टँड-अप कॉमेडियन प्रणित मोरे याच्या वादग्रस्त शोप्रकरणी महाराष्ट्र सायबरने मोठी कारवाई केली आहे. महिलांविषयी, संमती (Consent) आणि मृत व्यक्तींच्या मृतदेहांबाबत कथित आक्षेपार्ह, अश्लील आणि अवमानकारक वक्तव्ये सोशल मीडिया आणि डिजिटल प्लॅटफॉर्मवर प्रसारित केल्याप्रकरणी प्रणित मोरे, डॉ. सेजल पवार, हिमांशू जंगरा आणि कार्यक्रमाशी संबंधित इतरांवर गुन्हा दाखल करण्यात आला आहे.महाराष्ट्र सायबरच्या नोडल सायबर पोलीस ठाण्यात या प्रकरणी एफआयआर क्रमांक 36/2026 अंतर्गत गुन्हा नोंदवण्यात आला असून तपास यंत्रणांनी संबंधितांना चौकशीसाठी समन्सही बजावले आहेत.(Pranit More)
मुंबई : भारत अ संघाचा कर्णधार ऋतुरााज गायकवाड सध्या श्रीलंकेत चालू ट्राई सिरीज मालिकेत चांगल्या फॉर्ममध्ये खेळत आहे. अफगाणिस्तान अ विरुद्धच्या ...
सोशल मीडियावरील व्हिडीओंमुळे वाद
सायबर पोलिसांनी तपासादरम्यान यूट्यूब, इन्स्टाग्राम आणि इतर सोशल मीडिया प्लॅटफॉर्मवर प्रसारित झालेल्या काही व्हिडीओ क्लिप्सची पडताळणी केली. या क्लिप्समध्ये महिलांबद्दल कथित अवमानकारक टिप्पणी, संमतीसारख्या संवेदनशील विषयाचे क्षुल्लकीकरण आणि वैद्यकीय शिक्षणासाठी वापरल्या जाणाऱ्या मानवी मृतदेहांबाबत अश्लील व आक्षेपार्ह भाष्य करण्यात आल्याचा आरोप आहे.तपास यंत्रणांच्या मते, अशा प्रकारची वक्तव्ये सार्वजनिक सभ्यता, सामाजिक मूल्ये आणि मृत व्यक्तींच्या सन्मानाच्या विरोधात असल्याने गंभीर स्वरूपाची मानली जात आहेत.
कोणती कलमे लावली?
भारतीय न्याय संहिता (BNS) अंतर्गत:
कलम 75(1)(iv) कलम 75(3) कलम 294 (अश्लील कृत्य किंवा वक्तव्य) कलम 353(2)
पश्चिम आशियातील तणाव दिवसेंदिवस अधिकच गंभीर होत असून अमेरिका आणि इराण यांच्यातील संघर्षाने आता धोकादायक वळण घेतले आहे. अमेरिकेचे राष्ट्राध्यक्ष ...
कलम 67 (इलेक्ट्रॉनिक माध्यमातून अश्लील मजकूर प्रसारित करणे) ‘व्ह्यूज आणि पैशांसाठी कंटेंट?’ तपासाचा संशय महाराष्ट्र सायबरच्या प्राथमिक तपासानुसार, संबंधित वादग्रस्त कंटेंट मुद्दाम तयार करून डिजिटल प्लॅटफॉर्मवर प्रसारित करण्यात आला असण्याची शक्यता आहे. सोशल मीडिया एंगेजमेंट वाढवणे, अधिक व्ह्यूज मिळवणे आणि त्यातून आर्थिक लाभ कमावणे हा यामागील उद्देश असू शकतो, असा संशय तपास यंत्रणांनी व्यक्त केला आहे.
नेपाळने भारतीय आंब्याच्या (Indian Mango) आयातीवर बंदी घातल्याची किंवा आयात स्थगित केल्याची चर्चा काही माध्यमांमध्ये रंगली असली, तरी ही माहिती पूर्णपणे ...
समन्स बजावले, चौकशी सुरू
प्रणित मोरे, हिमांशू जंगरा आणि डॉ. सेजल पवार यांना अधिकृत जबाब नोंदवण्यासाठी समन्स बजावण्यात आले असून पुढील चौकशी सुरू आहे. तपासाअंती दोषी आढळणाऱ्यांविरोधात कायद्यानुसार कठोर कारवाई केली जाईल, असे महाराष्ट्र सायबरने स्पष्ट केले आहे.दरम्यान, महाराष्ट्र सायबरने कंटेंट क्रिएटर्स, इन्फ्लुएन्सर्स आणि सोशल मीडिया वापरकर्त्यांना डिजिटल माध्यमांवर सामग्री प्रकाशित करताना कायद्याचे भान ठेवण्याचे आवाहन केले आहे. तसेच नागरिकांनी अशा प्रकारचा कथित आक्षेपार्ह किंवा अश्लील मजकूर पुढे शेअर अथवा फॉरवर्ड करू नये, असेही आवाहन करण्यात आले आहे.
