मुंबई : सध्या सोशल मीडियावर दोन व्हिडिओ तुफान वायरल होत आहेत. एक म्हणजे ३७० ची बिर्याणी आणि डॉ. सेजल पवार हिचं वक्तव्य. प्रणितच्या शो मध्ये अवयवदान आणि मृतदेहांसंबंधी अत्यंत आक्षेपार्ह आणि संतापजनक वक्तव्य करणारी सेजल पवार हिला आता KEM रुग्णालयातून निलंबित केले जाण्याची शक्यता आहे. या संदर्भातला निर्णय शनिवार १३ जून रोजी होण्याची शक्यता आहे.
कृषी प्रशासनाच्या डिजिटल सक्षमीकरणासाठी १०९ कोटींचा निधी; 'सीओईपी'मार्फत होणार गुणवत्ता तपासणी मुंबई : कृषी क्षेत्रासाठी 'कृत्रिम बुद्धिमत्ता' (एआय) ...
बिग बॉस फेम स्टँड-अप कॉमेडियन प्रणित मोरे हा नेहमीच चर्चेत असतो पण यावेळी तो दुसऱ्यांच्या बोलण्यामुळे चर्चेत आहे. ३७० रुपयांच्या बिर्याणीचं प्रकरण निवळत नाही, तोच आता प्रणितच्या एका शोमध्ये महिला डॉक्टरने केलेल्या आक्षेपार्ह वक्तव्यामुळे पुन्हा तो वादाच्या भोवऱ्यात अडकला आहे. अवयवदान आणि मृतदेहांसंबंधी अत्यंत आक्षेपार्ह आणि संतापजनक वक्तव्य करणाऱ्या सेजल पवारवर निलंबनाची कारवाई होण्याची शक्यता आहे.
सेजल पवार ही मुंबईत केईएम रुग्णालयात वैद्यकीय शिक्षण घेत आहे. डॉक्टर होण्याची तयारी करत असलेल्या तरुणीने केलेल्या धक्कादायक वक्तव्यांची केईएम प्रशासनाने गंभीर दखल घेतल्याचे वृत्त आहे.
Prajakta Mali : मराठी मनोरंजन विश्वातील लोकप्रिय अभिनेत्री प्राजक्ता माळीने (Prajakta Mali) आपल्या चाहत्यांना एक आनंदाची बातमी दिली आहे. अभिनय, सूत्रसंचालन, नृत्य, ...
थट्टा पडली महागात
प्रणित मोरेच्या कार्यक्रमात डॉ. सेजल पवार हिने वैद्यकीय क्षेत्रातील अत्यंत संवेदनशील मानल्या जाणाऱ्या मृतदेह आणि अवयवदानाविषयी जे वक्तव्य केले, त्यामुळे वैद्यकीय क्षेत्रासह समाजातील विविध घटकांच्या भावना दुखावल्या गेल्या. ज्या मृतदेहापासून आपल्याला शिकायला मिळते त्याच मृतदेहाची अशी थट्टा उडवणे हे तात्विकदृष्ट्या चुकीचे आहे. लोकांनी या गोष्टीचा निषेध केला आणि हा व्हिडिओ सोशल मीडिया वर व्हायरल झाल्यानंतर केईएम प्रशासनाने याची तात्काळ दखल घेतली. केईएम प्रशासनाने या घटनेची अधिक माहिती घेऊन शनिवारी डॉक्टर सेजल पवार हिच्यावर करायच्या कारवाईबाबत निर्णय घेणार असल्याचे संकेत दिले आहेत.