PM Narendra Modi New Record : 'मोदींचा ऐतिहासिक विक्रम; नेहरूंनाही मागे टाकले! जगभरातील नेत्यांकडून शुभेच्छांचा वर्षाव'

नवी दिल्ली : पंतप्रधान नरेंद्र मोदी (PM Narendra Modi New Record) यांनी भारतीय राजकारणात आणखी एक ऐतिहासिक टप्पा गाठला आहे. सलग सर्वाधिक काळ देशाचे निवडून आलेले पंतप्रधान म्हणून त्यांनी माजी पंतप्रधान जवाहरलाल नेहरू यांचा विक्रम मागे टाकत इतिहास रचला आहे. या अभूतपूर्व कामगिरीनंतर जगभरातील अनेक राष्ट्रप्रमुख आणि नेत्यांनी मोदी यांचे अभिनंदन करत त्यांच्या नेतृत्वाचे कौतुक केले आहे. (PM Narendra Modi New Record)

मे २०१४ मध्ये प्रथमच पंतप्रधानपदाची सूत्रे हाती घेतलेल्या नरेंद्र मोदी यांनी २०२४ मध्ये सलग तिसऱ्यांदा विजय मिळवत सत्तेची हॅट्ट्रिक केली. त्यांच्या नेतृत्वाखाली भारताने आर्थिक, सामाजिक आणि आंतरराष्ट्रीय स्तरावर मोठी झेप घेतली आहे. जगातील पाचवी सर्वात मोठी अर्थव्यवस्था बनण्यापासून ते जागतिक राजकारणात प्रभावी भूमिका बजावण्यापर्यंत भारताने अनेक महत्त्वपूर्ण टप्पे गाठले आहेत. (PM Narendra Modi New Record)

Tree Plantation on Coastal Road : विस्तारीत कोस्टल रोड, गोरेगाव मुलुंड जोड रस्ता प्रकल्पात १७७८ झाडे बाधित, बदल्यात लावणार सुमारे १६ हजार झाडे

मुंबई (विशेष प्रतिनिधी) मुंबई किनारी रस्ते प्रकल्प (उत्तर) वर्सोवा आंतरबदल ते दहिसर भाईंदर मार्गावरील दहिसर आंतरबदल आणि गोरेगाव-मुलूंड लिंक रोड यांना ...

श्रीलंकेच्या राष्ट्राध्यक्षांकडून विशेष शुभेच्छा :

सर्वप्रथम शुभेच्छा देणाऱ्यांमध्ये श्रीलंकेचे राष्ट्राध्यक्ष अनुरा कुमारा दिसानायके (Anura Kumara Dissanayake) यांचा समावेश होता. त्यांनी पाठवलेल्या पत्रात म्हटले आहे की, "हा विक्रम केवळ दीर्घकाळ सत्तेत राहण्याचा नाही, तर जगातील सर्वात मोठ्या लोकशाहीतील जनतेने तुमच्यावर दाखवलेल्या विश्वासाचा पुरावा आहे." मोदी यांच्या परराष्ट्र धोरणात श्रीलंकेला विशेष स्थान आहे. त्यांनी आतापर्यंत चार वेळा श्रीलंकेला भेट दिली असून एप्रिल २०२५ मध्ये त्यांना श्रीलंकेचा सर्वोच्च नागरी सन्मान 'मित्र विभूषण' प्रदान करण्यात आला होता. २०२२ मधील आर्थिक संकटाच्या काळात भारताने श्रीलंकेला दिलेली मदत दोन्ही देशांमधील संबंध अधिक दृढ करणारी ठरली. (PM Narendra Modi New Record)

पापुआ न्यू गिनीच्या पंतप्रधानांकडून मोदींचे कौतुक :

पापुआ न्यू गिनीचे पंतप्रधान जेम्स मारापे (James Marape) यांनी व्हिडिओ संदेशाद्वारे मोदींचे अभिनंदन केले. त्यांनी मोदी यांना "जागतिक नेतृत्वाचे आदर्श उदाहरण" असे संबोधले. मारापे यांनी विशेषतः भारतातील कोट्यवधी लोकांना दारिद्र्यातून बाहेर काढण्यासाठी केलेल्या प्रयत्नांचा उल्लेख केला. २०२३ मध्ये मोदी यांनी पापुआ न्यू गिनीला दिलेली भेट आणि FIPIC-III परिषदेत सहभाग हा भारताच्या पॅसिफिक

देशांशी वाढत्या संबंधांचा महत्त्वाचा टप्पा मानला जातो. (PM Narendra Modi New Record)

Dadar Road Accident : दादर दुर्घटनेतील जखमी तरुणाच्या कुटुंबाला २ लाखांची मदत

मुंबई : दादर पश्चिम येथील प्लाझा सिनेमा परिसरात झालेल्या भीषण BEST बस अपघातात (Bus Accident) गंभीर जखमी झालेल्या २२ वर्षीय वृशभ गुप्ता यांच्या कुटुंबाला दोन लाख ...

त्रिनिदाद आणि टोबॅगोच्या पंतप्रधानांकडून गौरव :

त्रिनिदाद आणि टोबॅगोच्या पंतप्रधान कमला पर्सद-बिसेसर (Kamla Persad-Bissessar) यांनीही मोदींच्या नेतृत्वाचे कौतुक केले. त्यांनी म्हटले की, "पंतप्रधान मोदी यांच्या नेतृत्वाखाली भारत जागतिक प्रश्नांवर प्रभावी आवाज म्हणून उदयास आला आहे." सामान्य कुटुंबातून आलेल्या व्यक्तीने १४० कोटी लोकसंख्या असलेल्या देशाचे तीन कार्यकाळ नेतृत्व करणे ही प्रेरणादायी कहाणी असल्याचे त्यांनी नमूद केले. २०२५ मध्ये मोदी यांनी त्रिनिदाद आणि टोबॅगोला भेट देत २६ वर्षांनंतर त्या देशात भारतीय पंतप्रधानांचा द्विपक्षीय दौरा घडवून आणला होता. (PM Narendra Modi New Record)

जागतिक पटलावर भारताची वाढती ताकद :

जागतिक नेत्यांकडून आलेल्या शुभेच्छा केवळ नरेंद्र मोदी यांच्या वैयक्तिक यशाचे प्रतीक नसून भारताच्या वाढत्या आंतरराष्ट्रीय प्रभावाचीही साक्ष देतात. गेल्या दशकात भारताने प्रादेशिक शक्तीपासून जागतिक अर्थकारण, सुरक्षा आणि राजनैतिक घडामोडींमधील महत्त्वाचा खेळाडू म्हणून स्वतःची ओळख निर्माण केली आहे. नरेंद्र मोदी यांनी हा ऐतिहासिक विक्रम नोंदवल्यानंतर आता त्यांच्या तिसऱ्या कार्यकाळात भारत कोणते नवे विक्रम प्रस्थापित करणार, याकडे देशासह संपूर्ण जगाचे लक्ष लागले आहे. (PM Narendra Modi New Record)

 

View this post on Instagram

 

A post shared by Prahaar Newsline (@prahaarnewsline)