Ahilyanagar Crime News : अहिल्यानगर शहरात पुन्हा एकदा ‘बनावट पोलीस’ टोळी सक्रिय झाल्याचं समोर आलं असून, पोलीस असल्याची बतावणी करत दोन भामट्यांनी एका ८४ वर्षीय वृद्धाची साडेतीन तोळे सोन्याच्या दागिन्यांची फसवणूक केल्याची धक्कादायक घटना घडली आहे. ही घटना सावेडी उपनगरातील पाईपलाईन रस्ता परिसरात घडली असून, यामुळे परिसरात भीतीचे वातावरण निर्माण झाले आहे.
नेमकं काय घडलं ?
मिळालेल्या माहितीनुसार, गणपतराव विष्णू पंदारे (वय ८४) हे नेहमीप्रमाणे शनिवारी सायंकाळी फिरण्यासाठी घराबाहेर पडले होते. अष्टविनायक कॉलनी (Ashtavinayak Colony ) परिसरातील कमानीजवळ ते पायी चालत असताना अचानक त्यांच्या मागून दोन अनोळखी इसम आले. सुरुवातीला या दोघांनी स्वतःची ओळख पोलीस म्हणून करून दिली. परिसरात चोरीच्या घटना वाढल्याचे सांगत त्यांनी पंदारे यांच्याशी संवाद साधला. यानंतर त्या भामट्यांनी अतिशय विश्वासाने आणि अधिकाराच्या सुरात, “गळ्यातील सोन्याची चैन आणि हातातील अंगठ्या काढा, सुरक्षित ठेवतो,” असे सांगितले.
समोर उभे असलेले लोक पोलीस असल्याचा विश्वास बसल्याने वृद्ध पंदारे यांनी कोणताही संशय न घेता गळ्यातील सुमारे दीड तोळ्याची सोन्याची चैन आणि हातातील दोन तोळ्यांच्या दोन सोन्याच्या अंगठ्या त्या दोघांच्या ताब्यात दिल्या. मात्र, पुढच्याच क्षणी या दोघांनी चलाखीने खेळी केली. त्यांनी हातात काही अंगठ्या परत देत दिशाभूल केली आणि काही समजण्याच्या आतच ते गणेश बुक एजन्सीसमोर उभ्या असलेल्या दुचाकीवर बसून भिस्तबाग चौकाच्या दिशेने पसार झाले.
Nashik Simhastha Kumbh Mela : नाशिकमध्ये होणाऱ्या २०२७ च्या सिंहस्थ कुंभमेळ्याच्या तयारीत हलगर्जी करणाऱ्या ठेकेदारांना आता महापालिकेने चांगलाच दणका दिला आहे. ...
फसवणूक झाल्याचे लक्षात आले अन...
काही वेळानंतर पंदारे यांनी नीट पाहणी केली असता, हातात दिलेल्या अंगठ्या बनावट असल्याचे त्यांच्या लक्षात आले. त्याचबरोबर गळ्यातील सोन्याची चैनही परत मिळाली नसल्याने आपली फसवणूक झाल्याचे स्पष्ट झाले. धक्क्यात गेलेल्या पंदारे यांनी तत्काळ परिसरातील नागरिकांना घडलेला प्रकार सांगितला. यावेळी कॉलनीतील एका महिलेने त्यांच्या मुलाला संपर्क करून संपूर्ण घटनेची माहिती दिली.
दरम्यान, दुसऱ्या दिवशी या प्रकरणी तोफखाना पोलीस ठाण्यात (Tofkhana Police Station) गुन्हा दाखल करण्यात आला असून, पोलिसांनी अज्ञात दोघांविरोधात तपास सुरू केला आहे. परिसरातील सीसीटीव्ही (CCTV) फुटेजच्या आधारे आरोपींचा शोध घेतला जात असल्याची माहिती समोर येत आहे.
Nashik Crime : शेअर बाजारात गुंतवणूक करून जादा परताव्याच्या आमिषाला बळी पडणाऱ्या नाशिककरांना सायबर भामट्यांनी मोठा दणका दिला आहे. चालू वर्षात अवघ्या ५ ...
भामट्यांपासून सावध रहा
विशेष म्हणजे, शहरात यापूर्वीही वृद्ध नागरिकांना लक्ष्य करून स्वतःला पोलीस सांगत दागिने काढून घेण्याच्या घटना घडल्या आहेत. त्यामुळे अशा भामट्यांपासून सावध राहण्याचे आवाहन पोलिसांकडून करण्यात आले आहे. कोणीही स्वतःला पोलीस म्हणत दागिने किंवा मौल्यवान वस्तू काढण्यास सांगितल्यास तात्काळ ओळखपत्र मागावे किंवा जवळच्या पोलीस ठाण्याशी संपर्क साधावा, असे आवाहनही करण्यात आले आहे.