अंबरनाथ : भगतसिंग नगर परिसरात अंबरनाथ पोलिसांनी तब्बल ८ लाखांचे हेरॉईन (अमली पदार्थ) जप्त केल्याची घटना समोर आली आहे. अमली पदार्थांच्या अवैध व्यवसायात गुंतलेल्या आरोपींना यामुळे धक्का बसला आहे. अमली पदार्थ विरोधी पथकाने भगतसिंग नगरात छापा टाकत ही धडाकेबाज कारवाई केली.
शुक्रवारी सायंकाळी भगतसिंग नगर परिसरात शरीफ शेख नावाची व्यक्ती अमली पदार्थ विक्री करत असल्याची महिती पोलिसांना मिळाली होती. शरीफ राहायला भगतसिंग नगर परिसरातच होता. खूप दिवसांपासून तो पोलिसांच्या टार्गेटवर होता. पण ठोस पुरावा नसल्याने त्याला अटक करत येत नव्हती. मात्र शुक्रवारी संध्याकाळी रंगेहात त्याला अटक करण्यात आली. नाव 'शरीफ'असले तरी त्याच्यावरचे आरोप मात्र समाजातील अनेक कुटुंबांच्या आयुष्याशी खेळणारे आहेत. शरीफ वर आधी पासून १७ गुन्ह्यांची नोंद आहे.तसेच त्याच्याकडून 8 लाख 54 हजार रुपयांचे हेरॉईन,150 सोलेशन बॉटल आणि इतर साहित्य जप्त केले.
पुणे : पुणे शहर हे शिक्षणाचं माहेर घर म्हणून ओळखलं जातं आणि याच शहरात वाढत्या गुन्हेगारी, महिला असुरक्षितता, सायबर क्राईम सारख्या समस्यांचे प्रमाण ...
भगतसिंग नगर परिसरात याआधी सुद्धा अमली पदार्थ विक्रेत्यांवर पोलिसांनी कारवाई केली आहे. पण अद्याप या भागातील अमली पदार्थांच्या विक्रीत अपेक्षेप्रमाणे घट होताना दिसलेली नाही. आता या प्रकरणातील आरोपी आणि त्याच्या नेटवर्कविरोधात मकोका (Maharashtra Control of Organised Crime Act or MCOCA) अंतर्गत कठोर कारवाई करण्याची तयारी पोलीस करत आहेत.अंबरनाथ पोलिसांच्या या कारवाईमुळे परिसरातील नागरिकांनी समाधान व्यक्त केले असून तरुण पिढीला अमली पदार्थांच्या विळख्यातून वाचवण्यासाठी अशा मोहिमा आणखी तीव्र करण्याची मागणी होत आहे.