Mohmmad Siraj : टेस्ट मॅचमध्ये मिया मॅजिक! मोहम्मद सिराजच्या फलंदाजीने गौतम गंभीरही शॉक !

IND vs AFG Test: भारत आणि अफगाणिस्तान क्रिकेट संघांमधील एकमेव कसोटी सामन्यात टीम इंडियाच्या फलंदाजांनी धावांचा डोंगर उभारला. पहिल्या डावात भारताने १२७ षटकात आठ बाद ५६४ धावा केल्या. सर्व भारतीय फलंदाजांनी चांगली कामगिरी केली.मात्र पहिल्या डावाच्या अखेरीस चर्चेत राहिला तो म्हणजे लोअर ऑर्डरमध्ये खेळणारा मोहम्मद सिराज. सिराजने मैदानात उतरताच धावांचा पाऊस पाडला. त्याने खेळलेली वादळी खेळी पाहून स्टेडियममधील प्रेक्षकांसह मुख्य प्रशिक्षक गौतम गंभीरही थक्क झाले.

DSP Siraj carnage 🔥🔥#DSP #Siraj #INDvsAFG pic.twitter.com/XhhJ606FeL

— Tanuj (@Chris_gayle90) June 7, 2026

टी-२० च्या स्टाईलमध्ये बॅटिंग

मोहम्मद सिराज मैदानात उतरताच त्याने कसोटी सामन्याला टी-२० चे स्वरूप दिले.गौतम गंभीरने फ्री हँड दिल्यानंतर सिराजने पहिल्याच चेंडूपासून आक्रमक फलंदाजी केली.त्याने अफगाणिस्तानच्या गोलंदाजांचा समाचार घेत अवघ्या काही चेंडूंमध्ये ४ चौकार आणि १ खणखणीत षटकार ठोकला. सिराजने अवघ्या ११ चेंडूंत २२ धावा करून २०० च्या स्ट्राईक रेटने धावा केल्या.

सलीम सफीने संपवली इनिंग

सिराजचे हे वादळ खेळपट्टीवर जास्त काळ टिकू शकले नाही.मोहम्मद सलीम सफीने टाकलेला एक चेंडू एकदम खालीच राहिला. हयाच चेंडूवर सिराज क्लीन बोल्ड झाला.बाद होण्यापूर्वी सिराजने २२ धावांची खेळी केली. या खेळीमुळे भारताला धावा वाढवण्यास मदत झाली. भारताने ५६४ धावांचा विशाल डोंगर रचत डाव घोषित केला. सिराजला मोठी धावसंख्या उभारता आली नसली,तरी सोशल मीडियावर त्याच्या फलंदाजीची जोरदार चर्चा सुरू आहे.