पाथर्डी : शरीरसौष्ठवाच्या (Bodybuilding) नादात जिममध्ये जाणाऱ्या तरुणांच्या आरोग्याशी खेळ करणाऱ्या संशयित रॅकेटचा पाथर्डी पोलिसांनी (Pathardi Police) पर्दाफाश केला आहे. प्रोटीन आणि स्नायूवर्धक औषधांच्या (Protein and muscle-building drugs) नावाखाली गुंगीकारक इंजेक्शनची विक्री होत असल्याची धक्कादायक बाब समोर आली असून या कारवाईत ६२ हजार ५०४ रुपयांचा मुद्देमाल जप्त करण्यात आला आहे. एका संशयिताला ताब्यात घेण्यात आले असून दुसरा आरोपी फरार आहे.
गुंगीकारक इंजेक्शन रॅकेट उघड
गोपनीय माहितीच्या आधारे ४ जून रोजी सकाळी सातच्या सुमारास पाथर्डी पोलिसांनी अन्न व औषध प्रशासन विभागासह संयुक्त कारवाई करत तालुक्यातील करंजी चौफुली परिसरात संशयास्पद हालचाली करणाऱ्या युवकाची झडती घेतली. यावेळी त्याच्याकडून मेफेन्टरमाईन सल्फेट इंजेक्शनच्या (Mephentermine Sulfate Injection) आठ सीलबंद बाटल्या आढळून आल्या.
सुरुवातीला युवकाने उडवाउडवीची उत्तरे दिली. मात्र पोलिसांनी चौकशी केल्यानंतर त्याने आपले नाव शेरु राजू शेख (वय २५, रा. इंदिरानगर, पाथर्डी) असल्याचे सांगितले. तपासात ही इंजेक्शने अहिल्यानगरमधील (Ahilyanagar ) मुकुंदनगर परिसरातील मोहसिन शेख याच्याकडून आणल्याचे उघड झाले. ही औषधे जिममध्ये जाणाऱ्या तरुणांना ‘प्रोटीन’ किंवा ‘मसल्स वाढवणारे औषध’ असल्याचे भासवून विक्री करण्याचा संशय पोलिसांनी व्यक्त केला आहे.
Nashik News : नाशिक पोलिसांच्या रडारवर सध्या एक नाव चर्चेत आहे ते म्हणजे सचिन देशमुख! स्वतःला ज्योतिषी म्हणवणारा, हनुमान भक्त असल्याचा दावा करणारा हा व्यक्ती ...
डॉक्टरांच्या चिठ्ठीशिवाय औषधे विक्री
अन्न व औषध प्रशासन विभागाच्या तपासणीत संबंधित इंजेक्शन हे एच प्रवर्गातील औषध असल्याचे स्पष्ट झाले. अशी औषधे डॉक्टरांच्या चिठ्ठीशिवाय विक्री करता येत नाहीत, तसेच त्यांचा चुकीचा वापर आरोग्यास गंभीर धोका निर्माण करू शकतो, असे औषध निरीक्षकांनी नमूद केले. या कारवाईत २,५०४ रुपयांच्या इंजेक्शनच्या आठ बाटल्या, ५० हजारांचा मोबाईल आणि १० हजारांचा दुसरा मोबाईल असा एकूण ६२ हजार ५०४ रुपयांचा मुद्देमाल जप्त करण्यात आला. तपासासाठी औषधांचे नमुनेही सीलबंद करण्यात आले आहेत.
या प्रकरणी शेरु राजू शेख आणि मोहसिन शेख यांच्याविरोधात गुन्हा दाखल करण्यात आला असून मोहसिन शेख सध्या फरार आहे. पोलिसांकडून या बेकायदेशीर औषध विक्रीच्या साखळीचा अधिक तपास सुरू आहे.
भाजपा प्रदेश मुख्य प्रवक्ते नवनाथ बन यांचा टोला Mumbai : आजवर संजय राऊत एकाही आंदोलनात सहभागी झाले नाहीत. शिवसेनेसाठी त्यांनी कधीही तुरुंगवास भोगला नाही. ...
तरुणांच्या आरोग्याशी खेळ
जिममध्ये Bodybuilding साठी येणाऱ्या तरुणांना स्नायूवर्धक औषधांच्या नावाखाली गुंगीकारक इंजेक्शन विक्री होत असल्याने गंभीर चिंता व्यक्त केली जात आहे. या रॅकेटमागे आणखी कोणाचा सहभाग आहे, याचा तपास आता पोलिसांकडून सुरू आहे.