नवी मुंबई : महाराष्ट्राच्या अस्मितेचे प्रतीक असलेल्या छत्रपती शिवाजी महाराजांचा भव्य १२ फूट उंच कांस्य अर्धपुतळा नवी मुंबई आंतरराष्ट्रीय विमानतळाच्या टर्मिनल-1 येथे उभारण्यात आला असून, मुख्यमंत्री देवेंद्र फडणवीस यांच्या हस्ते त्याचे अनावरण करण्यात आले. या ऐतिहासिक सोहळ्यामुळे विमानतळ परिसरात अभिमान आणि उत्साहाचे वातावरण निर्माण झाले. (Navi Mumbai Airport Shivaji Maharaj Statue)
मुख्यमंत्री देवेंद्र फडणवीस यांनी यावेळी बोलताना सांगितले की, छत्रपती शिवाजी महाराजांचे विचार, शौर्य, दूरदृष्टी आणि सुशासनाचा आदर्श आजही समाजाला प्रेरणा देत आहे. नवी मुंबई आंतरराष्ट्रीय विमानतळावर उभारण्यात आलेला हा पुतळा केवळ एक शिल्प नसून महाराष्ट्राच्या स्वाभिमानाचे आणि शिवरायांच्या कार्याचे प्रतीक आहे. (Navi Mumbai Airport Shivaji Maharaj Statue)
हिंदवी स्वराज्याचे संस्थापक छत्रपती शिवाजी महाराज यांच्या ३५२ व्या शिवराज्याभिषेक दिनानिमित्त (Shivrajyabhishek Din Sohala 2026) दुर्गदुर्गेश्वर किल्ले रायगडावर आज ...
टर्मिनल-1 मधील प्रमुख ठिकाणी स्थापित करण्यात आलेला हा १२ फूट उंच कांस्य अर्धपुतळा अत्यंत आकर्षक पद्धतीने साकारण्यात आला आहे. शिवरायांचा राजेशाही पेहराव, तेजस्वी मुद्रा आणि पराक्रमाचे दर्शन घडवणारी कलाकुसर यामुळे हा पुतळा विमानतळाचे प्रमुख आकर्षण ठरणार आहे. (Navi Mumbai Airport Shivaji Maharaj Statue)
या कार्यक्रमाला राज्य सरकारमधील मंत्री, वरिष्ठ प्रशासकीय अधिकारी, विमानतळ प्रकल्पाशी संबंधित प्रतिनिधी आणि विविध क्षेत्रांतील मान्यवर उपस्थित होते. अनावरणानंतर उपस्थितांनी शिवरायांच्या पुतळ्याला अभिवादन करत महाराष्ट्राच्या गौरवशाली इतिहासाला सलाम केला. (Navi Mumbai Airport Shivaji Maharaj Statue)
शिवराज्याभिषेक दिनाच्या पार्श्वभूमीवर झालेले हे अनावरण विशेष महत्त्वाचे मानले जात असून, महाराष्ट्राच्या सांस्कृतिक ओळखीला जागतिक स्तरावर अधोरेखित करणारा हा एक महत्त्वपूर्ण क्षण ठरला आहे. (Navi Mumbai Airport Shivaji Maharaj Statue)
View this post on Instagram
