मराठी आणि हिंदी चित्रपटसृष्टीतील लोकप्रिय अभिनेत्री प्रिया बापट (Priya Bapat) सध्या एका मुलाखतीमुळे चर्चेत आली आहे. करिअरच्या सुरुवातीच्या काळात आलेल्या एका अप्रिय अनुभवाबाबत तिने प्रथमच खुलासा केला आहे. एका चित्रपटाच्या शूटिंगदरम्यान सहकलाकाराच्या वागण्यामुळे आपण अस्वस्थ झाल्याचे तिने सांगितले.
एका मुलाखतीत बोलताना प्रिया बापट म्हणाली की, तिला चित्रपटातील किसिंग सीनबाबत कधीच आक्षेप नव्हता. तो सीन करायचा नव्हता असा काही भाग नव्हता, तर चित्रपटाच्या कथेत तो कसा योग्य वाटेल, हा माझा प्रश्न होता. कारण तो तिथे फिट बसत नव्हता. संबंधित चित्रपटाच्या स्क्रिप्ट वाचनादरम्यान तिने दिग्दर्शकाला त्या सीनची गरज काय आहे, असा प्रश्नही विचारला होता. अखेरीस दिग्दर्शकाच्या सांगण्यावरून तिने तो सीन करण्यास होकार दिला.
मात्र, प्रत्यक्ष शूटिंगदरम्यान परिस्थिती वेगळीच झाली. प्रियाच्या म्हणण्यानुसार, गाण्याच्या चित्रीकरणावेळी संबंधित अभिनेत्याने सीनमध्ये बदल सुचवण्याच्या नावाखाली वारंवार वैयक्तिक मर्यादा ओलांडल्या. त्या काळात आपण इंडस्ट्रीत नवीन असल्यामुळे अशा प्रसंगी नेमकी कशी प्रतिक्रिया द्यावी, हे समजत नव्हते, असेही तिने सांगितले.
मुंबई : राष्ट्रवादी काँग्रेस अजित पवार (Ajit Pawar) गटाचे ज्येष्ठ नेते आणि राज्याचे माजी गृहमंत्री दिलीप वळसे-पाटील (Dilip Walse Patil) यांनी गुरुवारी ज्येष्ठ नेते शरद ...
शूटिंग संपल्यानंतरही त्या अभिनेत्याकडून सतत मेसेज येत असल्याचा दावा प्रियाने या मुलाखतीत केला. एकत्र वेळ घालवण्याचे आणि भेटण्यासाठीचे अनेक मेसेज त्या अभिनेत्याकडून येत होते. मात्र, अनेकदा नकार देऊनही तो काही कारणं काढून बोलण्याचा प्रयत्न करत होता. सततच्या मेसेज मुळे मला काही मनस्ताह सहन करावा लागला. त्यानंतर या संपूर्ण घटनेबाबत त्यांनी उमेशला सांगितले. तेव्हा उमेश तिच्यासोबत हॉटेलमध्ये राहिला, जेणेकरून त्या अभिनेत्याला समजावं की ती एकटी नाही आणि त्याला त्याच्या मर्यादांची जाणीव होईल.
प्रिया बापट ही मराठी मनोरंजन विश्वातील एक आघाडीची अभिनेत्री आहे. तिने अनेक गाजलेल्या चित्रपट आणि मालिकांमधून प्रेक्षकांची मने जिंकली आहेत. 'मुन्नाभाई एमबीबीएस', 'लगे रहो मुन्नाभाई', 'मी शिवाजीराजे भोसले बोलतोय', 'काकस्पर्श', 'टाइमपास 2' आणि 'वजनदार' यांसारख्या चित्रपटांतील तिच्या भूमिका विशेष गाजल्या आहेत.
या मुलाखतीनंतर मनोरंजन विश्वात पुन्हा एकदा कामाच्या ठिकाणी व्यावसायिक मर्यादा आणि कलाकारांच्या सुरक्षिततेचा मुद्दा चर्चेत आला आहे.