मिळालेल्या माहितीनुसार, सकाळी सुमारे ६.५० वाजण्याच्या सुमारास हा अपघात झाला. संबंधित बेस्ट बस आपली नियमित फेरी पूर्ण करून डेपोकडे परत जात होती. त्यावेळी अचानक बसचे नियंत्रण बिघडल्याने तिने समोर असलेल्या काही वाहनांना धडक दिली. या अपघातात एका कारचे मोठ्या प्रमाणात नुकसान झाले असून, वाहनाचा पुढील भाग पूर्णपणे चुराडा झाल्याचे दिसून आले.
'Killer' Film Set Accident : 'किलर' चित्रपटाच्या सेटवर भीषण स्फोट; २६ वर्षीय टेक्निशिअनचा मृत्यू, तिघांची प्रकृती गंभीर
चेन्नई : ॲक्शन चित्रपटांमधील (Action Films) थरारक दृश्ये प्रेक्षकांचे मनोरंजन करत असली तरी त्यामागील मेहनत आणि धोके अनेकदा समोर येत नाहीत. अशाच एका दुर्दैवी ...
अपघातानंतर काही काळ परिसरात गोंधळाचे वातावरण निर्माण झाले. सकाळच्या गर्दीच्या वेळी ही घटना घडल्याने वेस्टर्न एक्सप्रेस हायवेवरील वाहतूक विस्कळीत झाली. अनेक वाहनांच्या रांगा लागल्या होत्या आणि कार्यालयीन वेळ असल्याने प्रवाशांना मोठा मनस्ताप सहन करावा लागला.
घटनेची माहिती मिळताच पोलीस आणि वाहतूक विभागाचे कर्मचारी घटनास्थळी दाखल झाले. नुकसानग्रस्त वाहने रस्त्याच्या बाजूला हटवून वाहतूक सुरळीत करण्याचे काम तातडीने सुरू करण्यात आले. काही वेळानंतर वाहतूक हळूहळू पूर्ववत करण्यात आली.
पोलिसांनी दिलेल्या माहितीनुसार, सुदैवाने या अपघातात कोणतीही जीवितहानी झालेली नाही. तसेच कोणालाही गंभीर दुखापत झाल्याचे अधिकृतपणे सांगण्यात आलेले नाही. पोलिसांनी अपघाताची नोंद घेतली असून नेमके कारण काय होते याचा तपास सुरू आहे.
या घटनेनंतर बेस्ट प्रशासनाकडून अधिकृत प्रतिक्रिया अद्याप देण्यात आलेली नसून, अपघातामागील कारणांचा शोध घेतला जात आहे.