पिंपरी-चिंचवड : किरकोळ कारणांवरून होणारे वाद अनेकदा गंभीर स्वरूप धारण करत असल्याच्या घटना सातत्याने समोर येत आहेत. पिंपरी-चिंचवड (Pimpri-Chinchwad) शहरातील ताथवडे परिसरात अशीच एक धक्कादायक घटना घडली आहे. घरात मांजरी ये-जा करत असल्याच्या कारणावरून झालेल्या वादातून ६० वर्षीय महिलेवर हल्ला करण्यात आला. या मारहाणीत संबंधित महिला जखमी झाल्या असून त्यांच्या डोक्यात वीट फेकून मारल्याचा आरोप करण्यात आला आहे.
ही घटना ताथवडे परिसरात घडली असून कविता चिंतामणी सोनवणे (वय ६०) या येथे वास्तव्यास आहेत. त्यांच्या शेजारी सूर्यवंशी कुटुंब राहते. या कुटुंबाकडे काही मांजरी असून त्या वारंवार सोनवणे यांच्या घरात येत असल्याची तक्रार त्यांनी अनेकदा केली होती. मात्र, या समस्येकडे दुर्लक्ष होत असल्याचा आरोप सोनवणे यांनी केला आहे.
नाशिक : नाशिकमध्ये (Nashik) महिलांच्या सुरक्षेचा (Women Safety) प्रश्न पुन्हा एकदा ऐरणीवर आणणारी धक्कादायक घटना समोर आली आहे. मैत्री करण्यास नकार दिल्याचा राग मनात ...
याच कारणावरून कविता सोनवणे आणि सूर्यवंशी कुटुंबातील सदस्यांमध्ये वाद झाला. हा वाद हळूहळू वाढत गेला आणि त्याचे रूपांतर हाणामारीत झाले. तक्रारीनुसार, सारंग सूर्यवंशी आणि दोन महिलांनी कविता सोनवणे यांच्यावर हल्ला चढवला. त्यांच्या केसांना धरून त्यांना लाथाबुक्क्यांनी मारहाण करण्यात आली. तसेच सारंग सूर्यवंशी याने त्यांच्या कपाळावर वीट फेकून मारल्याचा आरोप करण्यात आला आहे.
'Yellow alert' : गेल्या काही दिवसांपासून महाराष्ट्रात तापमानाचा पारा दीर्घकाळ ४० अंश सेल्सिअसच्या पुढे आहे. त्यामुळे संपूर्ण महाराष्ट्र उन्हाने होरपळला आहे. ...
या हल्ल्यात कविता सोनवणे गंभीर जखमी झाल्या. मारहाणीनंतर त्यांनी तातडीने वाकड पोलीस ठाण्यात धाव घेत तक्रार दाखल केली. त्यांच्या तक्रारीच्या आधारे पोलिसांनी (Police) संबंधितांविरोधात गुन्हा नोंदवला असून प्रकरणाचा पुढील तपास सुरू आहे.
दरम्यान, केवळ मांजरी घरात येत असल्याच्या कारणावरून झालेल्या या वादाने परिसरात खळबळ उडाली आहे. किरकोळ कारणातून झालेल्या या मारहाणीच्या घटनेची शहरात जोरदार चर्चा सुरू आहे.
