मुंबई : आंतरराष्ट्रीय स्तरावर मिडल-ईस्टमध्ये सुरू असलेल्या युद्धजन्य परिस्थितीचा आणि वाढत्या भू-राजकीय तणावाचा परिणाम आता थेट मुंबईकरांच्या खिशावर होऊ लागला आहे. मुंबई तसेच मुंबई महानगर परिसरातील वाहनधारकांना महागाईचा आणखी एक झटका बसला असून, सीएनजी (CNG Price Hike in Mumbai) दरात प्रति किलो २ रुपयांची वाढ करण्यात आली आहे. मुंबईतील सीएनजी वितरण कंपनीने नव्या दरांची घोषणा केली असून, ही दरवाढ २९ मेच्या मध्यरात्रीपासून लागू करण्यात आली आहे.
गेल्या काही दिवसांपासून जागतिक बाजारपेठेत कच्च्या तेलाच्या आणि इंधनाच्या किमतींमध्ये अस्थिरता निर्माण झाली आहे. त्यातच घरगुती एलपीजी सिलिंडर (LPG Cylinder), पेट्रोल (Petrol) आणि डिझेलच्या (Diesel) दरांबाबतही चिंता व्यक्त केली जात असताना आता सीएनजीच्या (CNG) किमती वाढल्याने सर्वसामान्य नागरिकांचे मासिक बजेट (Budget) अधिक ताणले जाण्याची शक्यता आहे. विशेषतः रोजच्या प्रवासासाठी सीएनजी वाहनांवर (CNG Vehicles) अवलंबून असलेल्या लाखो मुंबईकरांवर या दरवाढीचा थेट परिणाम होणार आहे.
मुंबई : भारताला इलेक्ट्रॉनिक्स (Electronics) उत्पादन क्षेत्रात अधिक आत्मनिर्भर बनवण्यासाठी केंद्र सरकार मोठे पाऊल उचलण्याच्या तयारीत आहे. देशातच ...
सीएनजीच्या दरात प्रति किलो २ रुपयांची वाढ झाल्यानंतर मुंबई आणि उपनगरांमध्ये सीएनजीचा किरकोळ दर ८४ रुपये प्रतिकिलोवरून ८६ रुपये प्रतिकिलो इतका झाला आहे. नव्या दरांमुळे खासगी वाहनधारकांसह व्यावसायिक वाहन चालकांच्या इंधन खर्चात वाढ होणार आहे.
रिक्षा-टॅक्सी (Auto-Taxi) भाडेवाढीची शक्यता
सीएनजी दरवाढीचा परिणाम मुंबईच्या सार्वजनिक वाहतूक व्यवस्थेवरही होण्याची शक्यता वर्तवली जात आहे. मुंबईतील बहुतांश काळी-पिवळी टॅक्सी, ऑटो रिक्षा, बेस्टच्या काही बसेस तसेच मालवाहू व्यावसायिक वाहने सीएनजीवर चालतात. त्यामुळे सीएनजीचा दर ८६ रुपये प्रतिकिलोपर्यंत पोहोचल्याने वाहनचालकांच्या खर्चात वाढ होणार आहे.
पुणे : पुणे (Pune) आणि पिंपरी-चिंचवडमध्ये (Pimpri-Chinchwad) घडलेल्या विषारी दारूकांडानंतर प्रशासनाने कठोर पावले उचलण्यास सुरुवात केली आहे. या प्रकरणामुळे ...
याच पार्श्वभूमीवर रिक्षा आणि टॅक्सी चालक संघटनांकडून भाडेवाढीची मागणी पुढे येण्याची शक्यता व्यक्त केली जात आहे. आगामी काळात या दरवाढीचा परिणाम प्रवाशांच्या खिशावरही पडू शकतो. त्यामुळे सीएनजी दरवाढीनंतर मुंबईतील सार्वजनिक वाहतूक व्यवस्थेच्या भाडेदरांमध्ये बदल होणार का, याकडे सर्वांचे लक्ष लागले आहे.
