Nashik : नाशिक विधान परिषद निवडणुकीची चुरस वाढली, आतापर्यंत 'इतक्या' उमेदवारांचे नामनिर्देशन पत्र दाखल

May 27, 2026 07:12 PM

नाशिक : स्थानिक स्वराज्य संस्थांमधून विधान परिषदेवर 17 सदस्यांची निवड होणार आहे. आमदार म्हणून विधान परिषदेवर जाणारे हे 17 सदस्य कोण असतील? त्यासाठी राजकीय वर्तुळात विविध नावांची चर्चा सुरु आहे. जळगाव, नाशिक, ठाणे-पालघर अशा विविध स्थानिक स्वराज्य संस्थांमधून हे उमेदवार विधान परिषदेसाठी निवडण्यात येतील. दरम्यान नाशिक विधान परिषदेच्या जागेवरुन महायुतीमध्ये अंतर्गत संघर्षाची चिन्हे आहे.

कारण नाशिक विधान परिषदेच्या जागेवर आता सुनेत्रा पवार यांच्या राष्ट्रवादी काँग्रेस पार्टीने सुद्धा दावा केला आहे. नाशिकच्या जागेवरून महायुतीत तीव्र रस्सीखेच आहे. राष्ट्रवादीच्या आमदारांनी मुंबईत उपमुख्यमंत्री सुनेत्रा पवार यांची या संदर्भात भेट देखील घेतली. भाजप आणि शिंदेच्या शिवसेनेनंतर आता अजित पवारांच्या राष्ट्रवादीनेही दावा ठोकला आहे.

दरम्यान, महाराष्ट्र विधान परिषदेच्या स्थानिक प्राधिकारी मतदार संघाच्या व्दिवार्षिक निवडणूक-2026 नामनिर्देशनपत्र विक्री व दाखल बाबतचा अहवाल समोर आला आहे. यामध्ये आतापर्यंत फिरोज गफार शेख, प्रतिक प्रभाकर खराटे, केदा तानाजी आहेर, नरेंद्र भिकाजी दराडे, अजित हिरामण पवार, सुनिल रंगनाथ सानप, शाने हिंद निहाल अहमद, मोहम्मद खालिद अब्दुल रशीद, दिपीका चव्हाण, संजय कांतीलाल चव्हाण, प्रसाद पांडुरंग जमखिडीकर, विजय देविदास धारराव यांचे नामनिर्देशन पत्र घेण्यात आले आहे. यात भाजपा, शिवसेना आणि राष्ट्रवादीचे इच्छुक आहेत. तर आज २७ मे रोजी निवृत्ती देवराम बोडके, बाळकृष्ण मधुकर माळी, बाळकृष्ण मधुकर माळी, भुषण जयचंद कासलीवाल यांचे नामनिर्देशन पत्र दाखल झाले आहेत.

Nashik : जिच्यासाठी घरदार सोडले तीच जीवावर उठली, पंचवटी हत्याकांडप्रकरणातील मुख्य संशयित गजाआड

Nashik Crime News : नाशिकच्या पंचवटी परिसरातील पेठ रोड येथे २६ वर्षीय प्रियकराचा गळा आवळून खून केल्याची खळबळजनक घटना नवनाथनगर येथे समोर आली. ३६ वर्षीय विवाहित ...