Vaibhav Sooryvanshi : आयपीएल 2026 च्या एलिमिनेटर सामन्यात राजस्थान रॉयल्सच्या 15 वर्षीय वैभव सूर्यवंशीने अक्षरशः धुमाकूळ घालत क्रिकेटविश्वाला थक्क करून टाकले आहे. सनरायझर्स हैदराबादविरुद्ध खेळताना वैभवने अवघ्या 16 चेंडूत अर्धशतक झळकावत आयपीएल इतिहासात नवा विक्रम केला आहे. त्यानंतर त्याने फक्त 29 चेंडूत 97 धावांची तुफानी खेळी साकारत संपूर्ण सामना राजस्थानच्या बाजूने झुकवला आहे.
युनिव्हर्स बॉस ख्रिस गेलचा ऐतिहासिक विक्रम मोडला
वैभव सूर्यवंशीने या सामन्यात षटकारांचा अक्षरशः पाऊस पाडला. त्याने एका हंगामात सर्वाधिक षटकार ठोकण्याचा ख्रिस गेलचा ऐतिहासिक विक्रम मोडून काढला. गेलने एका मोसमात 59 षटकार ठोकले होते, तर वैभवने एलिमिनेटरमध्येच हा आकडा पार करत इतिहास रचला. त्याने या हंगामात आतापर्यंत 65 षटकार मारले आहेत.
MUMBAI : जगातील सर्वात लोकप्रिय टी-20 लीग असलेल्या आयपीएलमध्ये आगामी काळात मोठे बदल होण्याची शक्यता आहे. भारतीय क्रिकेट नियामक मंडळाने (बीसीसीआय)सध्या ...
29 चेंडूत 97; शतक फक्त 3 धावांनी हुकलं
राजस्थानची सुरुवात आक्रमक झाली आणि त्यात वैभव सूर्यवंशीने हैदराबादच्या गोलंदाजांची अक्षरशः धुलाई केली. त्याने 29 चेंडूत 97 धावा करत 5 चौकार आणि तब्बल 12 षटकार मारले. त्याचा स्ट्राईक रेट तब्बल 334.48 इतका होता. मात्र, शतकापासून फक्त 3 धावा दूर असताना तो बाद झाला आणि सर्वात वेगवान आयपीएल शतकाचा विक्रम थोडक्यात हुकला. सर्वात वेगवान आयपीएल शतकाचा विक्रम क्रिस गेलच्या नावा वर आहे त्याने २०१३ साली ३० चेंडूत शतक झळकवले होते.
आयपीएल २०२६ मध्ये वैभव सूर्यवंशीची कामगिरी
वयाच्या केवळ 15व्या वर्षात एलिमिनेटरसारख्या मोठ्या सामन्यात अशी तुफानी खेळी करून वैभव सूर्यवंशीने संपूर्ण क्रिकेटविश्वाचं लक्ष वेधून घेतलं आहे. वैभवने या हंगामात १५ सामन्यात ६८० धावा केल्या आहेत. त्याने अनकॅप्ड प्लेअर म्हणून एका हंगामात सर्वाधिक धावा करण्याचा विक्रम केला आहे. याआधी हा विक्रम जयसवालच्या नावावर होता. या हंगामात त्याने आपल्या वेगवान फटकेबाजीने सर्वांचे लक्ष्य वेधून घेतले आहे.सध्या राजस्थानने १४ षटकात तीन बाद १९२ धावा केल्या आहेत. यात जाइसवळने २९ चेंडूत २९ धावा केल्या आहेत.तर वैभवने २९ चेंडूत ९७ धावा केल्या. तो प्रफुल हिंगेच्या चेंडूवर स्मरन रविचंद्रनकडे झेल देऊन परतला.
