Nashik Crime News : नाशिक जिल्ह्यातील देवळा तालुक्यात धक्कादायक घटना घडली आहे. कौटुंबिक वाद मिटवण्यासाठी गेलेल्या मेहुणीचा मेव्हण्याने जीव घेतल्याची घटना याठिकाणी घडलीय. देवळा तालुक्यातील भऊर फाटा परिसरात धक्कादायक घटना समोर आली आहे. या घटनेमुळे परिसरात खळबळ उडाली असून भीतीचे वातावरण पसरले आहे. देवळा तालुक्यातील भऊर फाटा परिसरात कौटुंबिक वादातून एका नराधम मेव्हण्याने आपल्याच सालीला चाकूने वार करत हत्या केली आहे. छाया ज्ञानेश्वर जाधव असे मृत महिला (साली) चे नाव आहे, तर श्याम माळी असे मारेकरी मेव्हण्याचे नाव आहे.
मुंबई : गेल्या आठवडाभरापासून सोशल मीडियावर आणि राजकीय वर्तुळात प्रचंड चर्चेत असलेल्या अभिजीत दिपके यांच्या ‘कॉक्रोच जनता पार्टी’ला (Cockroach Janata Party) आणखी एक ...
कौटुंबिक वाद जीवावर बेतला
आरोपी श्याम माळी आणि त्याच्या पत्नीमध्ये वारंवार भांडणे होत असत. हाच कौटुंबिक वाद मिटवण्यासाठी आणि श्यामची समजूत काढण्यासाठी मयत छाया जाधव या तिचे पती, आई आणि भाऊ यांच्यासह भऊर फाटा येथे आल्या होत्या. सर्वांकडून समजूत काढण्याचा प्रयत्न सुरू असतानाच, आरोपी श्यामला संताप अनावर झाला आणि त्याने अचानक छाया यांच्या छातीवर चाकूने जोरदार वार केले.
या हल्ल्यात छाया गंभीर जखमी झाल्या. गंभीर जखमी झालेल्या छाया यांना तातडीने कळवण ग्रामीण रुग्णालयात नेण्यात आले, मात्र डॉक्टरांनी त्यांना मृत घोषित केले. हे भांडण सोडवताना छाया यांचा भाऊ सोनू कराटे याच्या दोन्ही हातांवरही चाकूचे वार लागल्याने तो देखील जखमी झाला आहे.
ग्रामस्थांची तत्परता, आरोपी पोलिसांच्या स्वाधीन
घटनेनंतर आरोपी श्याम माळी घटनास्थळावरून फरार झाला होता. मात्र, खामखेडा गावाचे लोकनियुक्त सरपंच ॲड. वैभव पवार यांनी ग्रामस्थांच्या मदतीने अत्यंत धाडसाने फरार आरोपी श्याम माळी याला पकडून पोलिसांच्या स्वाधीन केले. या प्रकरणी देवळा पोलीस अधिक तपास करत आहेत.