Nashik TCS Case : नाशिक TCS प्रकरणात मोठा अहवाल; न्यायालयात १५०० पानांचे दोषारोपपत्र दाखल

नाशिक : नाशिकमधील बहुराष्ट्रीय कंपनी टीसीएस (TCS) मधील महिला कर्मचाऱ्यांचे लैंगिक शोषण (Sexual Exploitation) आणि सक्तीने धर्मांतर (Religious Conversion) केल्याच्या प्रकरणात १५०० पानांचे दोषारोपपत्र (Chargesheet) न्यायालयात दाखल करण्यात आले आहे. या दोषारोपपत्रात अनेक धक्कादायक खुलासे करण्यात आले असून, पीडितेचे नाव बदलण्यापासून ते धार्मिक भावना दुखावण्यापर्यंतच्या गंभीर बाबींचा उल्लेख करण्यात आला आहे.

नाशिकमधील टीसीएस (TCS) कंपनीतील महिला कर्मचाऱ्यांचे लैंगिक शोषण (Sexual Exploitation) आणि सक्तीने धर्मांतर (Religious Conversion) केल्याच्या आरोपांमुळे संपूर्ण राज्यात खळबळ उडाली होती. आता या प्रकरणात नाशिक पोलिसांनी (Nashik Police) न्यायालयात १५०० पानांचे दोषारोपपत्र (Chargesheet) सादर केले असून, तपासादरम्यान समोर आलेल्या अनेक गंभीर बाबींचा त्यात समावेश करण्यात आला आहे. पीडितेची मूळ कागदपत्रे (Original Documents) ताब्यात घेऊन तिचे नाव बदलण्याचा प्रयत्न करण्यात आल्याचा आरोपही या दोषारोपपत्रात करण्यात आला आहे.

१५०० पानांचे दोषारोपपत्र (Chargesheet)

देवलाली कॅम्प पोलीस ठाण्यात (Deolali Camp Police Station) दाखल असलेल्या या गुन्ह्यात पोलिसांनी दानिश इजाज शेख, तौसिफ बिलाल अत्तार, निदा एजाज खान आणि एमआयएम (MIM) चे माजी नगरसेवक मतीन माजिद पटेल यांच्याविरुद्ध नाशिक रोड न्यायालयात (Nashik Road Court) दोषारोपपत्र दाखल केले आहे. संबंधित आरोपींवर लैंगिक छळ, धर्मांतर आणि ॲट्रॉसिटी (Atrocity) कायद्यांतर्गत गंभीर गुन्हे दाखल आहेत.

या प्रकरणाचे गांभीर्य लक्षात घेऊन पोलीस आयुक्त (Police Commissioner) संदीप कर्णिक यांनी विशेष तपास पथक (SIT) स्थापन केले होते. या विशेष तपास पथकाने (Special Investigation Team) सखोल तपास करून दोषारोपपत्र तयार केले आहे.

तांत्रिक पुरावे आणि व्हॉट्सॲप चॅट ठरणार महत्त्वाचे

तपासादरम्यान पोलिसांनी १७ महत्त्वाच्या साक्षीदारांचे जबाब नोंदवले आहेत. केवळ तोंडी पुराव्यांवर अवलंबून न राहता डिजिटल पुरावे आणि तांत्रिक पुरावे गोळा करण्यावर विशेष भर देण्यात आला आहे.

यामध्ये पीडिता आणि आरोपींचे मोबाईलमधील व्हॉट्सॲप चॅट , स्क्रीनशॉट्स आणि ईमेल ट्रेल्स (Email Trails) यांचा समावेश आहे. या पुराव्यांवरून पीडितेचे सक्तीने धर्मांतर करण्याचे प्रयत्न झाल्याचे आणि तिच्या धार्मिक भावनांना जाणीवपूर्वक ठेस पोहोचवल्याचे स्पष्ट होत असल्याचे पोलिसांनी नमूद केले आहे.

तसेच, पीडितेचे नाव बदलण्याच्या उद्देशाने तिची मूळ कागदपत्रे आरोपींनी स्वतःच्या ताब्यात घेतल्याचे समोर आले असून, ती कागदपत्रे पोलिसांनी जप्त केली आहेत.

८ प्रकरणांचा तपास अद्याप सुरू

नाशिकमधील टीसीएस (TCS) कंपनीशी संबंधित महिलांच्या तक्रारींवरून देवलाली कॅम्प आणि मुंबई नाका पोलीस ठाण्यात (Mumbai Naka Police Station) एकूण ९ गुन्हे दाखल करण्यात आले होते. त्यापैकी देवलाली कॅम्प पोलीस ठाण्यातील मुख्य प्रकरणात दोषारोपपत्र  दाखल करण्यात आले आहे.

मात्र, मुंबई नाका पोलीस ठाण्यातील उर्वरित ८ प्रकरणांचा तपास अद्याप सुरू असून, कायदेशीर मुदतीत संबंधित प्रकरणांमध्येही दोषारोपपत्र  दाखल करण्याची प्रक्रिया सुरू असल्याचे पोलिसांनी स्पष्ट केले आहे. दरम्यान, न्यायालयाने या प्रकरणातील सर्व आरोपींचे जामीन अर्ज यापूर्वीच फेटाळून लावले आहेत.

एसआयटीचा (SIT) सखोल तपास

या गुन्ह्यात भारतीय न्याय संहिता आणि अनुसूचित जाती-जमाती अत्याचार प्रतिबंधक कायदा (SC/ST Atrocities Act) अंतर्गत विविध कलमांचा आधार घेण्यात आला आहे. पोलिसांनी घटनास्थळाचा पंचनामा , आरोपींचे बँक स्टेटमेंट्स, जात प्रमाणपत्र आणि गुन्ह्यात वापरण्यात आलेले वाहन यांसारखे भौतिक पुरावे (Physical Evidence) देखील न्यायालयात सादर केले आहेत.

भारतीय नागरिक सुरक्षा संहिता कलम १९३ (८) नुसार, या प्रकरणात आणखी पुरावे समोर आल्यास पोलिसांकडून भविष्यात पुरवणी दोषारोपपत्र (Supplementary Chargesheet) दाखल करण्यात येणार असल्याची माहिती देण्यात आली आहे.