पहाटे ४.४० वाजता फायरिंग
मिळालेल्या माहितीनुसार, बुधवारी पहाटे सुमारे ४.४० वाजण्याच्या सुमारास हा गोळीबार झाला. सुदैवाने या घटनेत कोणालाही दुखापत झाली नाही. अरविंदर खोसा यांची ९ एप्रिल रोजी क्रिकेट कॅनडाच्या अध्यक्षपदी नियुक्ती करण्यात आली आहे.
भ्रष्टाचार आणि मॅच फिक्सिंग आरोपांमुळे चर्चेत
क्रिकेट कॅनडा आधीपासूनच वादात सापडले आहे. काही आठवड्यांपूर्वी झालेल्या एका चौकशीत भ्रष्टाचार, संघटित गुन्हेगारी आणि मॅच फिक्सिंगसारखे गंभीर आरोप समोर आले. या प्रकरणात अरविंदर खोसा यांचे नावही चर्चेत आले होते. रिपोर्टनुसार, त्यांचा संबंध स्वतःला लॉरेंस बिश्नोई गँगशी जोडणाऱ्या काही स्थानिक खेळाडूंशी असल्याचा आरोप करण्यात आला होता. तसेच २०२५ मध्ये कॅनडाच्या राष्ट्रीय क्रिकेट संघातील एका खेळाडूला धमकी दिल्याचाही आरोप करण्यात आला होता. मात्र खोसा यांनी हे सर्व आरोप फेटाळून लावले होते.
पोलिसांकडून तपास सुरू
घरावर झालेल्या गोळीबारानंतर या संपूर्ण प्रकरणाने नवे वळण घेतले आहे. पोलिसांकडून तपास सुरू असून हल्ल्यामागचे नेमके कारण शोधण्याचे प्रयत्न सुरू आहेत. दरम्यान, या घटनेमुळे पुन्हा एकदा क्रिकेट कॅनडाच्या कारभारावर प्रश्नचिन्ह उपस्थित केले जात आहे.