आगामी फिफा वर्ल्डकप २०२६ साठी (FIFA WORLD CUP 2026) बेल्जियम फुटबॉल फेडरेशनने २६ खेळाडूंच्या संघाची घोषणा केली आहे. यावेळी मिडफिल्डर केविन डी. ब्रुयन संघाचे नेतृत्व करताना दिसेल तर गोलकीपर थिबो कोर्टुओ व्हाईस कॅप्टन पदाची जबाबदारी हाताळेल. वर्ल्ड कप २०२६ ची सुरुवात १२ जूनपासून होणार आहे. यंदाचा वर्ल्ड कप अमेरिका, कॅनडा आणि मेक्सिकोमध्ये खेळला जाणार आहे. बेल्जियम वर्ल्ड कपच्या ग्रुप-जी मध्ये आहे. या ग्रुपमध्ये इजिप्त, इराण आणि न्यूझीलंड संघाचा स़मावेश आहे. बेल्जियम ग्रुपमधील सर्व सामने जिंकेल असे अनेकांचे मत आहे. संघाचा पहिला सामना १६ जूनला इजिप्तविरुद्ध होणार आहे.
नागरिकता स्पॅनिश पण वर्ल्ड कप बेल्जियमसाठी खेळणार
लिलेचा २१ वर्षीय खेळाडू मटियास फॉर्नांडीज-पार्डो याला बेल्जियम संघात संधी देण्यात आली आहे. हा संघात फॉरवर्ड म्हणून खेळणार आहे. नुकतीच मटियासने स्पॅनिश नागरिकता मिळवली आहे. मात्र स्पॅनिश संघासाठी न खेळता तो बेल्जियमसाठी वर्ल्ड कप पदार्पण करणार आहे. थॉमस म्यूनिएर आणि नाथन न्गोय यांच्याशी असलेल्या जवळच्या संबंधांमुळे तो बेल्जियम संघासाठी खेळत आहे असं बोललं जात आहे. प्रशिक्षक रूडी गार्सिया यांनीही या युवा खेळाडूवर विश्वास दाखवला आहे.
Thailand Open २०२६ मधून भारतासाठी मोठी आनंदाची बातमी आली आहे. भारतीय स्टार जोडी सात्विकसाईराज रंकीरेड्डी आणि चिराग शेट्टी यांनी उपांत्य फेरीत शानदार विजय ...
ओपेडा संघातून बाहेर
गेल्या काही हंगामापासून खराब फॉर्ममध्ये असणाऱ्या युव्हेंटसचा स्ट्रायकर लोइस ओपेंडाला यावेळी वर्ल्ड कप संघात संधी मिळाली नाही. इंग्लिश क्लब लीड्स युनायटेडने त्याला खरेदी करण्यात स्वारस्य दाखवले आहे. खराब फॉर्ममुळे त्याला २६ खेळाडूंच्या यादीत स्थान मिळाले नाही. तसेच, गोलकीपर मॅट सेल्सलाही यावेळी संघात संधी मिळाली नाही.बेल्जियम संघाने आतापर्यंत १३ वेळा वर्ल्ड कप मध्ये भाग घेतला आहे. २०१८ साली बेल्जियमने वर्ल्ड कपमध्ये तिसरे स्थान मिळवले होते. ही त्यांची आतापर्यंतची सर्वोत्तम कामगिरी आहे.
View this post on Instagram
वर्ल्ड कप २०२६ साठी बेल्जियमचा संघ खालीलप्रमाणे आहे
गोलकीपर: थिबो कोर्टुआ, सेने लैमेंस, माइक पेंडर्स.
डिफेंडर: टिमोथी कास्टैग्ने, जेनो डेबास्ट, मॅक्सिम डी क्यूपर, कोनी डी विंटर, ब्रँडन मेचेले, थॉमस म्यूनिएर, नाथन न्गोय, जोकिन सीस, आर्थर थिएट.
मिडफील्डर: केविन डि ब्रुइन, अमादू ओनाना, निकोलस रास्किन, युरी टिलेमैंस, हंस वानाकेन, एक्सेल विटसेल.
फॉरवर्ड: चार्ल्स डी केटलेरे, जेरेमी डोकू, मटियास फर्नांडीज-पार्डो, रोमेलु लुकाकू, डोडी लुकेबाकियो, डिएगो मोरेरा, अलेक्सिस सेलेमेकर्स, लिएंड्रो ट्रॉसार्ड
