इराणच्या महत्त्वाच्या खार्ग बेटाजवळ समुद्रात मोठ्या प्रमाणावर तेलगळती झाल्याची शक्यता उपग्रह चित्रांमधून समोर आली असून, त्यामुळे मध्यपूर्वेतील सुरक्षेपासून जागतिक तेलपुरवठ्यापर्यंत अनेक प्रश्न निर्माण झाले आहेत. पर्शियन गल्फमध्ये पसरलेल्या तेलाच्या जाड थरामुळे पर्यावरणीय संकटाची भीती व्यक्त केली जात आहे, तर होर्मुझ सामुद्रधुनी परिसरातील वाढत्या अमेरिका-इराण तणावामुळे या घटनेकडे अधिक गांभीर्याने पाहिले जात आहे.
युरोपियन युनियनच्या कोपर्निकस सेंटिनेल उपग्रहांनी ६ ते ८ मेदरम्यान टिपलेल्या छायाचित्रांमध्ये खार्ग बेटाच्या पश्चिम किनाऱ्याजवळ समुद्राच्या पृष्ठभागावर मोठ्या प्रमाणात काळसर तेलाचा थर दिसून आला. प्राथमिक विश्लेषणानुसार, ही गळती ४५ ते ७० चौरस किलोमीटरपर्यंत पसरलेली असू शकते. तज्ज्ञांच्या मते, या प्रकारचे चित्र सहसा मोठ्या तेलगळतीनंतरच दिसून येते.
लवकरच राष्ट्रवादीत प्रवेश करणार; उपमुख्यमंत्री सुनेत्रा पवार यांच्यासोबत झाली बैठक मुंबई (सुहास शेलार) : राज्य महिला आयोगाच्या अध्यक्ष रुपाली चाकणकर ...
दरम्यान, होर्मुझ सामुद्रधुनी परिसरात अलीकडच्या काही दिवसांत अमेरिका आणि इराण यांच्यातील तणाव अधिक तीव्र झाला आहे. अमेरिकेने काही इराणी तेलवाहू जहाजांवर कारवाई केल्याच्या घटनांनंतर दोन्ही देशांकडून एकमेकांवर आरोप-प्रत्यारोप सुरू आहेत. या संवेदनशील पार्श्वभूमीवर खार्गजवळ दिसलेली तेलगळती ही केवळ तांत्रिक बिघाडाची घटना आहे की त्यामागे अन्य काही कारण आहे, याबाबत चर्चा सुरू झाली आहे.
- 'कॉर्पोरेट जिहाद' प्रकरणातील आरोपी निदा खानच्या समर्थनावरून ‘एमआयएम’वर टीका मुंबई : नाशिकमधील टीसीएस कंपनीत घडलेल्या 'कॉर्पोरेट जिहाद' प्रकरणातील ...
पर्यावरण तज्ज्ञांनी या घटनेबाबत गंभीर चिंता व्यक्त केली आहे. मोठ्या प्रमाणातील तेलगळतीमुळे समुद्री जीवसृष्टी, मासेमारी व्यवसाय आणि किनारी परिसंस्थांवर दीर्घकालीन परिणाम होऊ शकतात. पर्शियन गल्फमधील जैवविविधतेवर याचा मोठा फटका बसण्याची शक्यता असून, समुद्रातील प्रदूषण नियंत्रणासाठी तातडीने कारवाईची गरज असल्याचे मत व्यक्त केले जात आहे.
मुंबई : 'नीट' परीक्षेमुळे गेल्या रविवारी रेल्वेने मेगाब्लॉक रद्द केला होता. मात्र, या रविवारी (१० मे) रेल्वेच्या पायाभूत सुविधांची देखभाल आणि ...
