मुंबई : मुंबईतील गोवंडी (Mumbai Govandi Area) परिसरातून एक अत्यंत धक्कादायक आणि संतापजनक घटना उघडकीस आली आहे. येथील एका नामांकित शाळेत शिक्षण घेणाऱ्या अवघ्या ६ वर्षीय चिमुकल्यावर शाळेतीलच एका ४५ वर्षीय शिपायाने लैंगिक अत्याचार केल्याचा गंभीर प्रकार समोर आला आहे. या घटनेमुळे पालकांमध्ये भीतीचे आणि संतापाचे वातावरण असून, पोलिसांनी तातडीने कारवाई करत आरोपी शिपायाला बेड्या ठोकल्या आहेत.
वर्षभरापासून सुरू होते गैरवर्तन
In Mumbai's Govandi, a 45-year-old school peon was arrested for inappropriately touching a 6-year-old student, under POCSO Act. The child confided in family after school; police registered a case and are reviewing CCTV and interrogating staff: Mumbai Police pic.twitter.com/kxMfruLi4f
— IANS (@ians_india) May 8, 2026
प्रसारमाध्यमांनी दिलेल्या वृत्तानुसार, राजेश महाकाळ असे या नराधम आरोपीचे नाव आहे. धक्कादायक बाब म्हणजे, हा आरोपी गेल्या वर्षभरापासून या निष्पाप विद्यार्थ्यासोबत सातत्याने गैरवर्तन करत होता. शाळेच्या आवारातच असलेल्या एका रिकाम्या खोलीत या विद्यार्थ्याला एकटे गाठून तो त्याच्याशी अश्लील चाळे आणि गैरवर्तन करत असे.
चिमुकल्याने घरच्यांना सांगितला प्रसंग आणि बिंग फुटले
नवी दिल्ली : केंद्रीय अन्न आणि ग्राहक व्यवहार मंत्री प्रल्हाद जोशी (Pralhad Joshi) यांनी बुधवारी प्रवाशांना एक मोठी खूशखबर दिली. अनेक वर्षांपासून प्रलंबित ...
हा संपूर्ण भयानक प्रकार तेव्हा उजेडात आला, जेव्हा पीडित विद्यार्थ्याने धाडस करून आपल्यासोबत घडत असलेला प्रसंग घरच्यांना सांगितला. मुलाने दिलेली माहिती ऐकून हादरलेल्या कुटुंबीयांनी क्षणाचाही विलंब न लावता थेट गोवंडी पोलीस ठाणे गाठले आणि आरोपी शिपायाविरोधात रीतसर तक्रार दाखल केली. या अत्यंत संवेदनशील आणि गंभीर प्रकरणाची तातडीने दखल घेत, पोलिसांनी आरोपी शिपायावर 'पोक्सो' (POCSO - बालकांचे लैंगिक अत्याचारापासून संरक्षण) कायद्यांतर्गत गुन्हा दाखल करून त्याला तात्काळ अटक केली. पोलीस अधिकाऱ्यांनी दिलेल्या माहितीनुसार, सध्या शाळेतील सीसीटीव्ही फुटेजची कसून तपासणी केली जात असून, शाळेतील इतर कर्मचाऱ्यांचीही सखोल चौकशी करून पुढील तपास केला जात आहे.
मालाडमध्येही घडली होती अशीच संतापजनक घटना
गोवंडीच्या या घटनेमुळे काही महिन्यांपूर्वी मालाड येथे घडलेल्या अशाच एका लाजिरवाण्या प्रकाराची आठवण ताजी झाली आहे. मालाड पश्चिम येथील एका खासगी शाळेत अवघ्या ४ वर्षांच्या चिमुकलीचा विनयभंग केल्याप्रकरणी ३५ वर्षीय व्यक्तीला अटक करण्यात आली होती. १२ जानेवारी रोजी घडलेल्या या घटनेत पोलिसांनी कारवाई करत ६ फेब्रुवारी रोजी आरोपीच्या मुसक्या आवळल्या होत्या. मालाड प्रकरणातील आरोपीही शाळेत शिपाई म्हणूनच काम करत होता. चिमुकलीला चुकीच्या पद्धतीने स्पर्श केल्याप्रकरणी त्याच्यावरही 'पोक्सो' कायद्यांतर्गत गुन्हा दाखल करण्यात आला होता. पीडित मुलीने तिच्यासोबत घडलेला प्रसंग पालकांना सांगितल्यानंतर त्यांनी पोलिसांत धाव घेतली होती. अटकेनंतर न्यायालयाने आरोपीला एक दिवसाची पोलीस कोठडी सुनावली होती. विशेष म्हणजे, या तपासादरम्यान पोलिसांनी शाळेच्या विश्वस्तांकडे (Trustee) सीसीटीव्ही फुटेजची मागणी केली असता, त्यांनी फुटेज देण्यास नकार दिला आणि पोलिसांना वेळेवर माहितीही दिली नाही. या गंभीर हलगर्जीपणामुळे पोलिसांनी शाळेच्या विश्वस्तांवरही गुन्हा दाखल करत कारवाई केली होती.
